«Գրքերի Փոխանակում»
2014-02-19 5136
Այսօր՝ գիրք նվիրելու օրվա կապակցությամբ, Գրքամոլ Նախաձեռնության համակարգողների կողմից Խնկո Ապոր գրադարանի մոտ կազմակերպված «Գրքերի Փոխանակում» միջոցառմանը մասնակցել էին շատ ընթերցասերներ՝ անկախ տարիքից և սեռից, ինչը շատ ողջունելի քայլ է բոլորիս համար՝ կոտրելու համար այն կարծրատիպերը, թե գիրք ընթերցում են միայն որոշակի տարիքային խմբերին պատկանող մարդիկ: Բավականին ջերմ և ուրախ մթնոլորտում անցավ միջոցառումը, որի ժամանակ մեր շատ սիրելի Գրքամոլները, իրենց հետ բերելով տարբեր ժանրի և լեզուների գրքեր, դրանք փոխանակեցին միմյանց հետ բավականին ընկերական մթնոլորտում: Սա առաջին միջոցառումը չէ մեր կողմից, և մոտ ժամանակներս մեր շատ սիրելի ընթերցողների հետ անպայման ևս կլինեն նմանատիպ հանդիպումներ: Շատ շնորհակալ ենք այսօրվա բոլոր մասնակիցներին, ովքեր ժամանակ գտան մասնակցելու միջոցառմանը և որոշ չափով կտրվեցին առօրյա հոգսերից՝ միջոցառումը դարձնելով նույնպես գեղեցիկ և դրական: Հ.Գ. Շնորհակալ ենք նաև մյուս կազմակերպություններին, գրախանութներին և հրատարակչություններին, ովքեր գիրք նվիրելու օրը Հայաստանում վերածեցին իսկական տոնի:
© Գրքամոլ Նախաձեռնություն
Հ.Գ. Նկարները դիտելու համար այցելեք հետևյալ հղումով՝ «Գրքերի Փոխանակում»
Դիտեք ավելին Գրքամոլ Ակումբ բաժնում
մեկնաբանություններ