Գրքամոլ Ակումբ. Հանդիպում ժամանակակից հայ գրող Դիանա Համբարձումյանի հետ

Նոյեմբերի 4-ին Ավետիք Իսահակյանի գրադարանում «Գրքամոլ Ակումբի» շրջանակներում տեղի ունեցավ հանդիպում ժամանակակից հայ արձակագիր, թարգմանիչ, բանասիրական գիտությունների դոկտոր, պրոֆեսոր Դիանա Համբարձումյանի հետ: Ակումբի անդամները հնարավորություն ունեցան ծանոթանալու ստեղծագործական և թարգմանչական բնագավառում իր ավանդը թողած գրողի հետ և անմիջական հարց ու պատասխանի շնորհիվ ստացան իրենց հուզող հարցերի պատասխանները: Ակումբի անդամներն ընթերցել էին գրողի «Այրված կամուրջների վրայով», «Աստծո բնակեցրած երկրում», «Տասը լավագույն պատմվածք», «Նոյի թվի դարդ ու ցավ» և «Դուռը թակում են» գրքերը, և վերոնշյալների վերաբերյալ հնչեցրին իրենց ինչպես դրական, այնպես էլ բացասական կարծիքները: Ինչպես Դիանա Համբարձումյանը, այնպես էլ մեր ակումբի անդամները միմյանցից փոխադարձաբար վերցրին բավական ջերմություն և դրական էներգիա, և երկուստեք լիահույս են մոտ ժամանակներս կրկին հանդիպել միմյանց: Նկարներն ամբողջությամբ՝ Գրքամոլ ֆեյսբուքյան էջում

© Գրքամոլ Նախաձեռնություն