Հասմիկ Մելիքսեթյան «Անսովոր մտքեր»

2013-07-23 3562

Դրսում գիշեր է . . . Սուլում է քամին . . .
Բերում է իր հետ մտքեր անսովոր. . .
Ես մտածում եմ թե կա՞ այս ժամին
Մեկը` ում պետք եմ ինչպես օդ և ջուր:
Կա՞ արդյոք մեկը, ով կարոտում է,
Իմ կարիքը զգում, ով ինձ կանչում է:
Կա՞ արդյոք մեկը, ով երազում է
Այս պահին ինձ հետ խոսել, ինձ տեսնել:
Կամ թեկուզ ասենք, կա՞ արդյոք մեկը,
Ով ինձ այս գիշեր ուզել է հիշել:
Եթե այդպիսի մեկը գտնվի,
Ուրեմն իզուր չի, որ ես ապրում եմ:
Իսկ թե շատ փնտրեմ, ու շատ պրպտեմ
Եվ այդպիսի մեկին չճարեմ,
Ինչու՞ եմ ապրում. . .

Հեղինակ` Հասմիկ Մելիքսեթյան
Սեղմեք այստեղ՝ ստեղծագործությունը Գրքամոլ էջում կարդալու համար:

Դիտեք ավելին Ստեղծագործություններ բաժնում

մեկնաբանություններ