Հերման Մելվիլլ «Մոբի Դիք կամ ճերմակ կետաձուկը»

► Մեծ հոգիները մի չնչին պահի ընթացքում երբեմն ապրում են այն ամբողջ տառապանքը, որը ուրիշների, ավելի թույլ մարդկանց համար գթասրտորեն բաշխված է լինում բազմաթիվ տասնամյակների վրա:

► Բթամտի հայացքն ավելի անտանելի է, քան սատանայինը:

► Ծիծաղն ամենաճիշտ պատասխանն է բոլոր հարցերին և ամենաճիշտ վճիռը այն ամենի նկատմամբ, ինչ անհասկանալի է:

► Բայց, ի դեպ, մեզանից այդ ով չի ծնվել օղակը պարանոցին:

► Դու, ես, մենք բոլորս կատարում ենք մեր դերը այն ներկայացման մեջ, որ գրված է եղել միլիոնավոր տարիներ առաջ:

► Այս տարօրինակ ու խճողված գործի մեջ, որը մենք կյանք ենք անվանում, հաճախ լինում են այնպիսի պահեր, երբ մարդն սկսում է աղոտ կերպով կասկածել, թե ծաղրուծանակի ենթարկվածը ոչ այլ ոք է, քան հենց ինքը:

► Մտածելը հանդգնություն է: Միայն Աստծուն է պատկանում այդ իրավունքը, այդ արտոնությունը: Մտորումները պետք է հանդարտ ծավալվեն զով անդորրի մեջ: Իսկ մեր թշվառ սրտերը շատ ուժեղ են բաբախում, և մեր ուղեղը չափազանց տաք է դրա համար…

► Անբասիր արիության կատարելությունը ապրում է մեր հոգու խորքերում և նույնիսկ արտաքին արժանապատվության կորուստը չի կարող սասանել այն:

► Եթե մարդ մտերմության ոչ մի փորձ չի անում և չի ցանկանում ընդլայնել իր ծանոթների շրջանակը, դա հոգևոր գերազանցության նշան է:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով: