Ջեյ Րիպ «Ճակատագիր»

Ելքը մեկն էր, քանզի մեր կենաց օրերը միաձուլվել էին զայրույթի և երանավետության չափազանց խճճված հանգույցում, և այս խնդիրը լուծելու այլ տարբերակ չկար։ Եվ մենք ընտրեցինք վիճակ գցելը` իբրև դրությունը շտկելու միակ ու անխուսափելի ելք։

Գի՞ր, թե՞ ղուշ։

Եթե գիր ընկավ, ուրեմն ամուսնանում ենք։

Եթե` ղուշ, ուրեմն կբաժանվենք ընդմիշտ։

Մետաղադրամը ֆռֆռաց օդում, մի քանի անգամ շրջվեց` կարծր առարկային բախվելիս, ու անշարժացավ։

Մենք սրտատրոփ վրա պրծանք ու ետ քաշվեցինք տարակուսանքով։ Ապա` միասին և միաժամանակ ասացինք.

- Գուցե նորի՞ց փորձենք։

Թարգմանությունը ռուսերենից՝ © Սմբատ Բունիաթյանի