Ջոն Բոյն «Զոլավոր Գիշերազգեստով Տղան»

2017-02-18 4973
Գրքից բոլոր մեջբերումների դուրսբերումը՝ Համլետ Մուրադյանի ► - Խելամիտ մարդը անհաջողությունից էլ փորձառություն կքաղի:-Բրունո ► - Փորձիր իրադարձությունների բացասական ընթացքը քո օգտին շուռ տալ:-Էլզա ► - Հայրերը լուրջ պետք է լինեն: Կարևոր չէ՝ նրանք կանաչեղենի վաճառո՞ղ են, ուսուցի՞չ, ավագ խոհարա՞ր, թե՞ պարետ:-Բրունո ► Գիտեր, որ ինքը կրտսերն է, բայց նաև համոզված էր, որ կրտսերներն էլ են երբեմն ճիշտ դուրս գալիս: ► Նա այքնան հիմար չէր, որ պնդեր, թե ինքը միշտ ճիշտ է, հատկապես, երբ տեսնում էր, որ փաստերն իր դեմ են խոսում: ► - Որոշ մարդկանց խելքն իրենցը չի պաշտոնի բարձրացում ստանալու համար:-Էլզա ► Ինքը միշտ փորձում էր ազնիվ լինել և գիտեր, որ եթե մի պահ հապաղի, այլևս քաջություն չի ունենա ասել ճշմարտությունը: ► - Տունը ո՛չ շենքն է, ո՛չ փողոցը, ո՛չ էլ քաղաքը: Աղյուսն ու ծեփիկը ընդամենը արհեստական նյութեր են: Մարդու տունն այնտե՛ղ է, որտեղ նրա ընտանիքն է:-Ռալֆ ► - Երբեմն բաներ կան, որ մարդ պիտի անի իր կյանքում, նույնիսկ սեփական կամքին հակառակ:-Ռալֆ ► - Հիշում եմ, երբ երեխա էի, երբեմն բոլորովին չէի ուզում ինչ-որ բան անել, բայց երբ հայրս ասում էր, որ բոլորի համար շատ ավելի լավ կլինի, եթե անեմ այդ, ես թևքերս ծալում ու գործի էի անցնում:-Ռալֆ ► - Իմ հայրը՝ քո պապիկը, ավելի լավ գիտեր, թե ինչ է պետք անել, որ հաջողության հասնեմ: Կարծում ես՝ ես կյանքում այսպիսի հաջողության հասած կլինեի՞, եթե չընկալեի, թե որտեղ պիտի պնդեմ իմ տեսակետը և որտեղ պիտի փակեմ բերանս և կատարեմ հրամանները:-Ռալֆ ► Նորմալ ընտանիքում որևէ օրենք չի արգելում հայրերին ընդհատել որդիներին: ► Երեխաներին պարտադրվող կանոնները երբեք մեծերին չեն վերաբերում, չնայած հենց մեծերն են հորինում այդ կանոնները: ► Չի կարելի որևէ մեկի հանդեպ անքաղաքավարի լինել, նույնիսկ եթե նա քո ծառայողն է: Վարվելակերպի կանոնները, վերջ ի վերջո, դեռ ոչ ոք չեղյալ չի հայտարարել: ► Աղջիկները հիմար արարածներ են, իսկ քույրերը՝ առավել ևս: ► - Ինչքան նվնվաս, այքնան ավելի շատ կցավի:-Պավել ► - Մարդն աստղագետ չի դառնում միայն այն պատճառով, որ գիշերները նայում է աստղազարդ երկնքին:-Պավել ► - Գրքերը, որոնց մեջ նկարագրված են աշխարհում տեղի ունեցած դեպքերը, շատ կարևոր են, բայց ո՛չ պատմվածքների գրքերը: Ո՛չ գրքերը, որոնք պատմում են երբեք տեղի չունեցած դեպքերի մասին:-հերր Լիսց ► Երբեմն տխուր մարդկանց այնքան էլ դուր չի գալիս, երբ նրանց հարցնում ես այդ մասին. մեկ-մեկ նրանք իրենք են պատմում ամեն ինչ, եթե դրա կարիքն ունեն: ► - Ամենակարևորը հետախույզի համար այն է, որ պարզի՝ իմաստ ունե՞ր հայտնաբերել այն, ինչ դու հայտնաբերել ես: Որոշ բաներ կան, որ առանձնապես ջանք չեն թափում, հանգիստ սպասում են իրենց ժամին, մինչև մեկը գա ու իրենց հայտնաբերի: ► Նա հիմա աշխատում էր հաճախ չվերհիշել իր նախկին կյանքը, քանի որ անցյալի հիշողությունները ցավ էին պատճառում նրան: ► Երբեմն պահեր են լինում, երբ քույրն ու եղբայրը կարող են մի կողմ դնել իրենց կտտանքի գործիքները և զրուցել որպես քաղաքակիր անձինք: ► Հեգնանքը իմաստանալու առաջին նշանն է: - Մի բան է, երբ սեփական հայրդ ու մայրդ են քեզ ասում, թե ինչն ինչպես անես, դա այդպես էլ պետք է լինի, բա ուրիշ էլ ինչպե՞ս, բայց բոլորովին այլ բան է, երբ օտար մեկն է սովորեցնում, թե ինչ անես:-Բրունո ► Ինչպե՞ս տղան, որն ինքն իրեն լավ մարդ է համարում, կարող էր այդքան վախկոտ գտնվել ընկերոջ նկատմամբ: ► - Ուր էլ որ գնալու լինեմ, միշտ էլ կլինեն մարդիկ, որոնց կկարոտեմ:-Բրունո Իրենց միասին անցկացրած ժամանակի մեծ մասը Բրունոն հենց տատիկի մասին էր պատմում, ասում է, թե ինչքան էր նրան սիրում և ինչպես էր երազում վերադարձնել այն ժամանակները, երբ նա դեռ ողջ էր և ավելի շատ նամակներ գրել նրան: Տատիկի հետ անցկացրած պահերն այն հիշողություններից էին, որ հրաժարվում էին մտքից անհետանալ: ► Ամեն դեպքում հաճելի է, երբ ընկերդ կողքիդ է: Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:

մեկնաբանություններ