Խուլիո Կորտասար «Վիճակախաղ»
2021-02-05 2201
► Դալին խելքը գլխին տղա է, հասկանում է, թե ինչ է անում (գուցե չի էլ հասկանում, բայց ինչ տարբերություն), երբ մարդ է նկարում՝ կազմված բազմաթիվ դարակներից։ Իմ կարծիքով՝ շատ երևույթների վրա բռնակներ կան։ Ուշադրություն դարձրեք ապա բանաստեղծական պատկերներին։ Հեռվից նայելիս այնպես է թվում, թե ամեն ինչ պարզ է ու մատչելի, բայց երբեմն այնպես խոր իմաստներ են մնում քողարկված։ Դուք բավարավում եք միայն մակերեսային հատկանիշներո՞վ։ Ոչ, սենյոր։ Հարկավոր է ձգել բռնակը և տեսնել, թե ինչ կա դարակի ներսում։ Ձգել, այսինքն՝ տիրապետել, յուրացնել և դուրս գալ սովորականի շրջանակներից։
►...և կգրեր մեկն այն նամակներից, որոնք գրվում են վերջին պահին, որոնց մեջ ոչ միտք կա, ոչ էլ զգացմունք․․․
► Ուրեմն լինել այնպիսին, ինչպիսին որ կաս, նշանակում է չլինել այդպիսին, այլ ընդամենը այսքան արժենալ, այսքան խոստանալ և նույնքան էլ խաբել։
► -Հետաքրքիր է քաղաքային գետից նայելը,- ասաց Ռաուլը։- Երևում է ոտքից գլուխ, իր ամբողջ ունեցած-չունեցածով։ Թե չէ ապրում ես նրա մեջ՝ լիովին մոռացած․ թե ինչ տեսք ունի այն իրականում։
► Արտակարգ հավասարակշռության վերջը, ըստ ամենայնի, սովորական ձանձրույթն է։
► Երբ վաղ մանկությանս օրերին սկսեցի վեպեր կարդալ, իսկույն ևեթ զգացի, թե ինչքան անհեթեթ են գործող անձանց խոսակցությունները։ Շատ պարզ պատճառով՝ ամենաչնչին առիթն անգամ կարող էր հիմք հանդիսանալ, որպեսզի վերոհիշյալ խոսակցությունները տեղի չունենային։ Օրինակ՝ ես կարող էի մնալ նավախցում, իսկ դուք բարում գարեջուր խմելու փոխարեն գերադասեինք զբոսանքը տախտակամածի վրա։ Արժի՞ այդքան կարևորություն տալ խոսակցության, որը ծագել է չափազանց անհեթեթ պատահականությամբ։
► - Պարզապես ինձ թվում է, որ դուք կարծես թե պտտվում եք նույն տեղում և չեք գտնում այն ինչ որոնում եք։ Հուսով եմ, որ դա վերնաշապիկիդ կտրված կոճակը չէ։
- Դա էլ չէ, սիրելի Կլաուդիա։ Ամեն դեպքում դա մ բավականին համեստ և բավականին եսասիրական բան է՝ երջանկություն, որը հնարավորին չափ քիչ վնասեր մյուսներին՝ արտակարգ դժվար ձեռք բերովի մի բան որը գնելու կամ էլ ձեռք բերելու համար ստիպված չլինեմ վաճառել ազատությունս։ Ինչպես տեսնում եք, առանձնապես հեշտ բան չէ ուզածս։
Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:
Դիտեք ավելին Մեջբերումներ Գրքերից բաժնում
մեկնաբանություններ