Լիդա Հակոբյան «Իմ ու քո փակ աչքերի ետևում մենք միշտ միասին ենք»

Իմ ու քո փակ աչքերի ետևում մենք միշտ միասին ենք... Ես միշտ երազում եմ փակ աչքերով... դու էլ փակիր աչքերդ ու երազիր.... երազի'ր իմ մասին... երազի'ր մեր մասին.... տե'ս, իմ ու քո փակ աչքերի ետևում մենք միշտ միասին ենք.... փակի'ր աչքերդ, փակի'ր... արի' երազենք... նայի'ր, կապույտ է երկինքը և շողում է արևը.... զգա' ազատությունը.... մենք կարողանում ենք թռչել, սիրելի'ս... տաք է օդը... ամբողջ երկինքը ծաղիկների մեջ է... տե'ս գարուն է... բռնի'ր ձեռքերս... բռնի'ր...ես քեզ հետ եմ... ես իրական եմ, ինչպես այս ամենը... բռնի'ր ձեռքերս... մենք թռչում ենք սիրելիս.... զգա' ծաղիկների բույրը... վայելի'ր... զգա' անծայրածիր երկինքը... հիշի'ր այն քոնն է, և ես եմ քոնը... ծիածանն ինչ գունավոր է և կոնֆետից է, տե'ս... ես սիրում եմ ծիածանը, դու էլ սիրի'ր.... բաց չթողնես ձեռքերս... ամուր բռնի'ր... երազի'ր, սովորի'ր երազել, սիրելի'ս... երազի'ր, ինձ հետ երազի'ր, սիրի'ր սիրելիս.... չբացես աչքերդ..... եթե հանկարծ բացես, մենք ցած կնկնենք... այստեղ լավ է... այս անգամ փորձի'ր խնդրում եմ, փորձի'ր չբացել աչքերդ.... ես համբուրում եմ քո աչքերը.... փակ պահիր աչքերդ, սիրելի'ս... իմ ու քո փակ աչքերի ետևում մենք միշտ միասին ենք լինելու...

Հեղինակ՝ © Լիդա Հակոբյան