Մոնիկա Սարմենի «Ես կորցրել եմ քեզ»

2020-06-30 2445

Ես կորցրել եմ քեզ ամենուր, սակայն շարունակ նույն տեղն եմ փնտրում,
Դու լռում ես հաղթանակած,
Ես էլ, այս ու այն կողմ վազելով, թունավոր բառն եմ ինձ ընկեր դարձնում ու քեզ՝ թշնամի,
Շունչս պահած աղոթք ասում անաստվածներին
Ու շարունակ բողոքում բախտից, որ վիշտն է ինձ ընկեր,
Եվ դու էլ կիսատ մնացած վշտիս մասն ես կազմում,
Եվ քեզ էլ անիծել եմ սկսում,
Բայց քեզ էլ կտակն իմ թողնում։
Կտակն իմ սիրո,
Հոգիս կտակում
Ու լուռ հեռանում։

Ես կորցրել եմ քեզ վաղուց և ամենուր, բայց շարունակ նույն տեղն եմ փնտրում ու ապարդյուն։
Հորինածը կորցնել չի լինում...

Հեղինակ՝ © Մոնիկա Սարմենի

Դիտեք ավելին Ստեղծագործություններ բաժնում

մեկնաբանություններ