Նիկոլաս Սպարկս «Թանկագին Ջոն»

► Նրա մասին մտածելիս, այդքան հեռու ու այդքան անհասանելի, հոգումս գլուխ է բարձրանում կարոտախտը, թախիծը, բայց այսուհետև միշտ այդպես է լինելու. ես առանձին եմ, նա` առանձին։ Ես երկար ժամանակ չէի կարողանում հաշտվել այդ պարզ ճշմարտության հետ, քանզի որոշ ժամանակով մեր ճակատագրերը միաձուլվեցին, բայց դա վեց տարի ու երկու կյանք առաջ էր։ Մեզ մնացին միայն հիշողություններ...

► Զինվորական ծառայությունը ցանկացածին կստիպի հասունանալ։ Քեզ վստահում են զինամթերք, որը մի ամբողջ կարողություն արժե, ու եթե ձախողվես, քեզ ավելի խիստ պատիժ է սպասվում, քան քաղցած քնելը...Հրաման ստանալով, դու իրավունք չունես «ոչ» ասելու, որովհետև խաղաքարտին մարդկային կյանքեր է դրված։ Մի սխալ որոշում ու ընկերդ կարող է մեռնել։ Դրա վրա է հիմնված բանակը։

► Զարմանալի է, գիտելիքներն ինչքան են փոխում ընկալումը:

► Շատերին զարմացնում է, թե ինչպես է զինվորը կյանքը վտանգելով կռվում նրա համար, ինչին չի հավատում։ Ոչ բոլորն են հավատում, դա այդպես է։ Ինձ բախտ է վիճակվել բանակում աշխատել տարբեր քաղաքական հայացքներ ունեցող մարդկանց հետ։ Հանդիպել եմ նրանց, ովքեր ատում էին բանակը, հանդիպել եմ նրանց, ովքեր երազում էին զինվորական կարերայի մասին։ Գործ եմ ունեցել հանճարների և հիմարների հետ, բայց երբ դադարում են խոսել քաղաքական գործիչները, խոսում են հրետանոթները ու մենք անում ենք այն, ինչ անում ենք մեկս մյուսի համար։ Հանուն մեր ընկերության։ Ոչ հանուն հայրենիքի, ոչ հանուն հայրենասիրության ու ոչ էլ նրա համար, որ մենք ծրագրավորված մարդասպաններ ենք, այլ հանուն զինակցիդ, ով կողքիդ է կանգնած։ Կռվում ես հանուն ընկերոջ, որպեսզի նա ապրի, իսկ նա կռվում է քեզ համար, ու ամբողջ բանակն է հիմնված այս պարզ ճշմարտության վրա։

► Ես սիրահարվեցի նրան, երբ միասին էինք, ու ավելի սիրեցի, երբ բաժանվեցինք։

► Երեք շաբաթ անց նա հեռացավ, տանելով իր հետ նրա հոգու մի մասն ու մնացած ամառը:

► Մեր աչքերը հանդիպեցին. երդվում եմ ես լսեցի, թե ինչպես ինչ-որ բան կտտաց, կարծես բանալին պտտեցրին փականի մեջ: Հավատացեք, ես ռոմանտիկ չեմ, երբևէ չեմ հավատացել «սեր առաջին հայացքից» ասվածին ու մինևև հիմա չեմ հավատում, բայց այդ պահին ես իրոք ինչ-որ բան զգացի և չկարողացա հայացքս թեքել:

► Ես որոշ ժամանակ հետևում էի նրանց, ինձ ավելորդ զգալով: Սավանան այդպես էլ չնայեց ինձ, ու ես հասկացա, որ անցյալը անդառնալիորեն գնացել է, ուրվականներին էլ չես կենդանացնի: Գրպանիցս հանեցի մեքենայի բանալիները և ուղղվեցի դեպի ելքը, աչքերումս զգալով տհաճ այրոց-արցունքների նախանշան...

► Ես վերջապես հասկացա, թե ինչ է իսկական սերը. սերը այն է, երբ հոգ ես տանում ուրիշի երջանկության մասին ավելի շատ, քան քո սեփականի, ինչ զոհողություն էլ որ այն պահանջի:

► Մարդն ամեն ինչի էլ ունակ է հարմարվել, պարզապես ժամանակ տվեք:

► Բոլոր ամուսնություններում էլ տեղ կա միայն երկուսի համար:

► Ամենատխուր մարդիկ նրանք են, ում ոչինչ չի հետաքրքրում: Կիրքն ու բավարարվածությունը քայլում են ձեռք-ձեռքի տված: Առանց սրանց, երջանկությունը երկար չի տևի, ինչպես կրակը կհանգի առանց վառելիքի:

► Ապարդյուն ճիգեր չեն լինում:

► Մեր սիրո պատմությունը երեք մասից է բաղկացած՝ սկիզբ, մեջտեղ, ավարտ,ու չնայած սիրո պատմությունների համար սա սովորական երևույթ է, բայց մինչև հիմա չեմ կարողանում հավատալ, որ մեր սերը հավերժ չտևեց:

► Եթե դու մեղքի զգացում ունես, նշանակում է,ինչ-որ բանն սխալ ես արել:

► Երբ ստիպված ես լինում պայքարել ինչ-որ բանի դեմ, շուրջդ նայիր ու կտեսնես, որ ցանկացած մարդ էլ իր մարտադաշտն ունի, բոլորի համար էլ դժվար է՝ քո պես:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով: