Օնորե դը Բալզակ «Բեաթրիս»

2014-02-25 4733

► Յուրաքանչյուր մայր խիստ ծանր է տանում իր որդու սրտում միայն երկրորդ տեղը գրավելու զգացման վիշտը:

► Հարստությունը Աստծո կողմից է տրվել` բարություն անելու համար:

► Սովորաբար կինը ապրում է զգացումներով, հետո վայելքներով, վերջում էլ դատողությամբ. ըստ այդմ, կան երեք տարբեր տարիքներ, որոնցից վերջինը զուգադիպում է ծերության տխուր ժամանակաշրջանի հետ:

► Կանայք երբեմն չար են, բայց ունեն գաղտնի վեհություններ, որ երբեք տղամարդիկ հասկանալ չեն կարող:

► Քաջությունը միակ առաքինությունն է, որ անկեղծ է:

► Ուժեղ կրքերը ամեն գնով ազատության են ձգտում:

► Հաճախ մենք մեր զգացմունքները ենթարկում ենք մեր կամքին, մեր նկատմամբ մի տեսակ պարտավորություն ենք ստանձնում և ստեղծում մեր ճակատագիրը:

► Սերն ապրում է միայն այն դեպքում, երբ համոզված է, որ հավիտենական է:

► Գեղեցկությունը ամեն ինչի հանճարն է, այն պիտակն է, որ բնությունը տալիս է իր ամենակատարյալ արարածներին, ամենաճիշտ խորհրդանշանն է այնպես, ինչպես ամենամեծ պատահականությունը:

► Դուք ուրիշ բան չեք կարող անել, քան քայլել իմ հոգու ծաղիկների վրայով, իսկ իմ ամբողջ երջանկությունը կլինի տեսնել, թե ինչպես են նրանք տրորվում ձեր ոտքերի տակ:

► Սիրելը բոլոր երջանկություններից առաջինն է, սիրվելը միայն հետո է գալիս:

► Այն սերը, որ օրեցօր չի մեծանում, մի խղճուկ կիրք է, աճելու համար սերը պետք է վերջ չունենա:

► Սերը մաքրում է անցյալը:

► Աշխարհում չկա մի մարդ, որի սերը նորից չբռնկի այն պահին, երբ տեսնում է, որ ախոյան ունի:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով:

Դիտեք ավելին Մեջբերումներ Գրքերից բաժնում

մեկնաբանություններ