Օգոստոսի 15-ին Ավ. Իսահակյանի անվան գրադարանում տեղի ունեցավ «Գրքամոլ ակումբի» երրորդ մակարդակի երկրորդ հանդիպումը: Այս հանդիպման համար նախատեսված էր կարդալ Էմիլ Զոլայի «Թերեզ Ռաքեն» ստեղծագործությունը և դիտել գրքի մոտիվներով 2013 թ. նկարահանված The Secret ֆիլմը:
Սպասվում էր, որ ֆիլմը լինելու է խորը, հոգեբանական, սակայն վերջում կարծիքներից պարզ դարձավ, որ այն լիովին չէր կարողացել հաղորդել գրքի ասելիքը: Տարբերություններ նկատվեց հատկապես գրքային կերպարների և ֆիլմի համապատասխան հերոսների միջև: Իսկ վերջաբանը որոշ առումով տարբերվում էր ստեղծագործության վերջաբանից:
Մասնակիցներին կրկին առավել դուր էր եկել ստեղծագործության գրքային տարբերակը: Գրքում մանրամասն ներկայացված էր Թերեզ Ռաքենի և Լորնի հոգեկան տանջանքը, տառապանքները իրենց գործած հանցանքի պատճառով: Իսկ ֆիլմում առավել շատ շեշտը դրված էր վերջիններիս ներանձնական հարաբերությունների վրա:
Ամեն դեպքում այս անգամ ևս քննարկումն ու ֆիլմի դիտումն անցավ ջերմ մթնոլորտում՝ մասնակիցների հետաքրքիր ու հաճախ հումորային մեկնաբանությունների ներքո: Ինչպես մնացած հանդիպումներում, այս հանդիպումը ևս գեղեցկացավ շնորհիվ մասնակիցների միջև անկեղծության հիմքի վրա ձևավորված ընկերության:
Հ․Գ․ Գրքամոլ Ակումբի հաջորդ հանդիպումը կանցկացվի օգոստոսի 29-ին, որտեղ քննարկվելու է Ֆրենսիս Սքոթ Ֆիցջերալդի «Մեծն Գեթսբին» գիրքը և դիտվելու է համապատասխան ֆիլմը:
Հանդիպման բոլոր նկարներն
այստեղ:
մեկնաբանություններ