Ռիչարդ Բախ «Պատրանքներ: Ակամա Փրկչի արկածները»

2013-08-28 8935

► Մեր կյանքը մարմնավորումն է այն ամենի, ինչ կրում ենք մեր մտքում։ Ամենը, որ այնտեղ կատարվում է, ինքներս ենք ստեղծել։ Իսկ եթե այդպես է, ուրեմն մենք բոլորս,- դուք՝ ձեր հերթին, ես՝ իմ,- պատահմամբ չենք հանդիպել այստեղ, տվյալ կոնկրետ պահին։

► «Ձերն է ընտրության իրավունքը և ձեր մեջ է ուժը, որ հաշտ լինեք հենց ձեր ընտրության հետ։ Առողջությունը ընտրելով՝ ներուստ համաձայնում ենք առողջ ապրելուն, և ընտրությունը ուժ է առնում մեր համաձայնությամբ։ Հիվանդությունը ընտրելով մենք մեր համաձայնությամբ դառնում ենք հիվանդ։ Քանի որ մենք ենք մեզ համար ընտրում թե՛ բարօրություն, թե՛ աղքատություն, թե՛ ազատություն և թե՛ ճորտություն։ Ոչ մի ուրիշ ոք, այլ ինքներս ենք ընտրություն անում, համաձայնում ենք և ինքներս ենք կանգնում ղեկի մոտ»։

► Չկա այնպիսի մի պրոբլեմ, որն իր մեջ քեզ համար թաքցրած ընծա չունենա։ Դու պրոբլեմներ ես փնտրում, քանզի քեզ պետք են նրանց ընծաները:

► Եթե դու ինչ-որ ժամանակ վարժվես ապրել որպես հորինված կերպար, կհասկանաս, որ հորինված բնավորությունները երբեմն ավելի իրական են, քան մարմին ու սիրտ ունեցող մարդիկ:

► Ցանկացած մարդ հայտնվում է քո կյանքում, բոլոր դեպքերը կատարվում են քեզ հետ, որովհետև դու նրանց դեպի քեզ ես ձգում: Ընտրությունը՝ ինչպես վարվես նրանց հետ՝ կախված է քեզնից:

► Պարզապես հրաժարվիր քո բոլոր արգելանքներից ու սահմանափակումներից, ինչպես և համոզմունքից, թե նվագել չգիտես: Իրին հպվիր այնպես, ասես քո կյանքի մասն է, ու հենց այդպես էլ կա: Գիտցիր, որ քեզ համար հաճելի է նվագելը, ու հենց այդպես էլ պիտի լինի, քո ենթագիտակցական «Ես»-ին թույլ տուր գերիշխել մատներիդ վրա, ու նվագիր:

► Նորից մենակ եմ: Մարդը վարժվում է իր մենակությանը, սակայն բավական է մենությունը խախտվի թեկուզ մեկ օրով, ու ստիպված ես լինում նորից վարժվել, ամենասկզբից:

► Ես ուզում էի ասել` Աստծու սիրուն, եթե ազատություն և ուրախություն եք ցանկանում, չեք տեսնում միթե, որ այն ձեզնից դուրս գոյություն չունի ոչ մի տեղ:

► Ընկերներդ ձեր ծանոթության առաջին իսկ րոպեից քեզ ավելի լավ կճանաչեն, քան մնացած բոլորը` հազար տարի անց:

► Մինչև դա չհասկանաս, նորից ու նորից հարցնելու ես, թե ոմանք ինչու են դժբախտ: Նրանք դժբախտ են, որովհետև դժբախտ լինելն են ընտրել, և դա, Ռիչարդ, ճիշտ է:

► Ցանկացած ցանկություն քեզ տրվում է ուժերի հետ միասին, որոնք անհրաժեշտ են այն իրականացնելու համար: Հնարավոր է, սակայն, որ ստիպված լինես ջանալ:

► Քանի որ դժվար է, դու չես փորձում անել այդ: Սկզբում քայլելն էլ դժվար էր, բայց դու վարժվեցիր ու հիմա այնպես ես քայլում, ասես բոլորովին էլ դժվար չէ:

► Ոչ մի լավ բան հրաշք չէ, ոչ մի հրաշալիք երազ չէ:

► Քեզ թվում է, եթե նորից ու նորից կրկնես «անհնար է», հազար անգամ կրկնես, ապա բոլոր դժվար բաները քեզ համար կհեշտանան:

► Մի վհատվիր բաժանումներից. հրաժեշտն անհրաժեշտ է, որպեսզի կրկին հանդիպենք: Իսկ նոր հանդիպումը,- մի ակնթարթ կամ մի կյանք հետո,- անկասկած կլինի` իսկական բարեկամների համար:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:

Դիտեք ավելին Մեջբերումներ Գրքերից բաժնում

մեկնաբանություններ