Ռուբեն Հովսեփյան «Որդան կարմիր»

► Օրը ժամերից է բաղկացած, ժամը` րոպեներից, րոպեն` վայրկյաններից, վայրկյանը` ակնթարթներից: Նա զգաց ակնթարթի իրական գինը: Անցածը ետ բերելու համար նա պատրաստ էր տրոհել նաև ակնթարթը:

► Երկրաշարժը քանի-քանի քաղաք է ավերել: Եվ պատահել է` նույն քաղաքը մի քանի անգամ: Բայց մարդիկ չեն տեղափոխվել, չէ: Նորից են կառուցել նույն տեղում:

► Բանաստեղծության տողը, ինչպես էլ արտասանվի, չի լացացնի, եթե ներսումդ լաց չունենաս:

► Նա մի բութ ցավով խաչ էր քաշել նրա վրա, որովհետև անհայտությունը նույնպես մի հեռավոր գերեզման է, որի վրա չգիտես` շիրմաքար կա, թե ոչ:

► Ավելի շատ շուրթերին գրելով, քան ձայնալարերը գործի դնելով ասաց նա:

► Այս հուշը կոպերի տակ էլ նա ավանդեց հոգին:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով: