Սերգեյ Թորիկյան. Ստեղծագործություններ

Մտքերս ուշացան,
գրիչս կորցրեց իր իմաստը…
Այսօր ես կխմեմ,
Կխմեմ ու այս դառը երջանկությունը
կխորտակեմ ապակե շշի մեջ (տեսնեմ կօգնի՞ հանել մարմնիս ապակիները…)
Թե տողերս արձակեն անունդ,
իսկ արևը որոշի հետ դառնալ,
կտեսնես. անունդ եմ կախել ամպերից…
այն ամպերից, որոնք արդեն չկան…
Ու երբ հասկանամ, թե ինչպես եղավ,
որ ձյունը սկսեց արև պաշտել,
խոստանում եմ,
փաթիլներովս մի երգ կերգեմ քեզ համար…

***
Անհագ ցանկություն,
Չգրված բառեր,
Խոսքի մեղեդի,
Սրտի հրաման։
Մոլեգնող հոգի,
Մոռացված մտքեր,
Պոետի մի տող,
Խենթի մի հայացք
Քայլող մի աղջիկ,
Հոգու փողոցներ,
Գիշերվա երազ,
Կյանքի երազանք։
Մտածված մի սկիզբ,
Անհանգիստ ուղի,
Անցյալից մի հուշ,
Անորոշ ներկա։

***
Չդասավորված տառեր կան, ու երբ դասավորվում են, բառեր դարձած են խառնվում ու ստիպում էլի դասավորել…

Հեղինակ՝ © Սերգեյ Թորիկյան