Ալեքսանդր Դյումա «Կոմսուհի դը Մոնսորո»

2013-08-20 4320 Մեջբերումներ Գրքերից

► Խաղալ անվրեպ կարելի է միայն մի պայմանով` երբ դու գիտես, թե որտեղ են քո թշնամիները, իսկ քո թշնամիները չգիտեն, թե որտեղ ես դու:

► Թագավորները միայն այն ժամանակ են թագավոր, երբ անպատիժ չեն թողնում իրենց հասցված վիրավորանքները, քանի որ նրանց այդ վրեժը հենց մարմնավորված արդարադատությունն է, որ կա:

► Մարդ միայն ենթադրում է, իսկ Աստված` տնօրինում:

► Կանայք ավելի հեշտությամբ այն տղամարդկանց են ստիպում լաց լինել, որոնց առջև թպրտում են մյուս տղամարդիկ:

► Գիշերը լավ Խորհրդատու է:

► Ազնիվ սիրտն ու ծանր ձեռքը բարեկամներ են նվաճում յուրաքանչյուրի համար:

► - Այո, ես էլ եմ այդպես կարծել...իմ աչքին վտանգներ են երևացել, իմ ոտքերի տակ բացված անդունդներ եմ տեսել...Այժմ, Ժաննա, այդ վտանգներն ինձ խաբուսիկ են թվում, այդ անդունդները...դրանք երեխան էլ կարող էր հաղթահարել։ Ես վախկոտ եմ գտնվել, ասում եմ քեզ։ Օ... Ինչու՞ ժամանակ չունեի մտածելու համար...

► Կանայք ճարպիկ ու անվախ են միայն այն դեպքում, երբ պետք է խաբեն խնամակալին, ամուսնուն, կամ մորը, բայց նրանք անկարող ու վախկոտ են դառնում, երբ պահանջվում է կատարել երախտագիտության հատուկ պարտքը: Նրանք այնքան են վախենում, թե հանկարծ կարող են իրենց սիրահարված համարել, այնքան են բարձր գնահատում իրենց մի հասարակ բարեհաճությունը, որ ցանկանալով հուսահատության հասցնել իրենց հետամտողներին, ի վիճակի են առանց որևէ խղճահարության կոտրել նրանց սիրտը:

► Լավ վերաբերմունքն ու բարյացակամությունը երջանկություն են ստեղծում:

► Ամենահասարակ ձևերը սիրահարվածները երբեք գլխի չեն ընկնում:

► Վսեմ զգացմունքները հարստացնում են մեր ողջ էությունը և կրկնապատկում մեր կարողությունը:

► Երջանկությունը հասարակ բան է նրանց համար, ովքեր արդեն սիրում են:

► Եթե ձեզ չեն լսում, այդ դեռ չի նշանակում, որ նաև չեն տեսնում:

► Անհրաժեշտության դեպքում դու կվերցնես այն, ինչ կգտնվի ձեռքիդ տակ:

► Նպատակը արդարացնում է միջոցները:

► Ամեն մի հասարակաություն մարմին է: Ի՞նչ է պետք այդ մարմնի գոյության համար: Լավ առողջություն:

► Երբ մի մարդու բոլորն են սիրում, այդ նշանակում է, որ նրան ոչ ոք չի սիրում անկեղծ:

► Մեծ կրքերն ամրապնդում են մեր ուժերը:

► Հոգեկան մեծ ցնցումների պահին մարդ երեխայի պես թուլանում է, իսկ երեխային, որին կծել է իր սիրելի շնիկը, սփոփելու ամենաճիշտ միջոցներից մեկն այն է, որ նրա աչքի առաջ ծեծես այդ շնիկին:

► Ծնվող մեծ սիրո առաջին դրսևորումների թվում կա ձեր սիրածի հանդեպ գրեթե կրոնական պաշտամունքի հասնող մի զգացում: Դուք ձեր սրտի ընտրյալին բարձրացնում եք պատվանդան, նրան երկինք եք հասցնում, վեր դասում մնացած բոլոր կանանցից: Դուք մեծարում, մաքրում, աստվածացնում եք նրա կերպարը: Նրա յուրաքանչյուր շարժումը ողորմածություն եք համարում, որ պարգևում է ձեզ, նրա յուրաքանչյուր խոսքը՝ վերուստ ուղարկված երջանկություն եք համարում, որ տալիս է նա ձեզ, նրա հայացքը բերկրանքով է լցնում ձեր սիրտը, ժպիտ՝ հիացմունքով...

► Կան այնպիսի երջանիկ մարդիկ, որոնք՝ ինչպես արտույտի երգը դաշտերում, ուրախություն և բարի նախանշաններ են բերում ամբողջ աշխարհին:

► Կան ակնթարթներ,- հոգին կամ ավելի ճիշտ՝ ինքնապահպանության բնազդը միշտ զգում են դրանց նշանակությունը, - կան ակնթարթներ, երբ մարդու հոգեկան ուժերը միաձուլվում են ֆիզիկական այն բոլոր հնարավորություններին որոնք նրա մեջ ծնվում են զգացմունքներից: Այդպիսի ակնթարթ մարդ կենտրոնացած է լինում մի բանի վրա և միաժամանակ հասցնում է ընդգրկել ամեն բան: Նա իր մաշկի բոլոր ծակոտիներով ներծծում է կյանքը, առանց հասկանալու, որ կարող է մի րոպե առ րոպե զրկվել նրանից, առանց կռահելու մոտալուտ աղետը, որը կխլի նրանից այս կյանքը:

► Սիրել Բյուսիիին՝ սա էր նրա տրամաբանությունը: Պատկանել միայն Բյուսիին, սա՛ էր նրա բարոյականը: Ամբողջ մարմնով դողալ նրա ձեռքի ամենասովորական թեթև հպումից՝ սա էր նրա մետաֆիզիկան:

► Ինձ թվում է, թե մեր հոգիներն այնպես ամուր են կապված միմյանց, որ մենք՝ նույնիսկ իրարից անջատ հեռավորության վրա, չխոսելով իրար հետ, չտեսնելով իրար, միևնույնն է երջանիկ ենք լինելու, քանի որ մտածելու ենք մեկս մյուսի մասին:

► Մարդ եղած, չեղած, սոսկ մի տերև է քամու թևին և թռչում է դաշտերի ու հովիտների վրայով, ինքն էլ չիմանալով, թե ուր:

► Ամուսիններից եսասեր մարդիկ չկան: Ամեն մեկը իր համար: Աստված բոլորի:

► Ինչ երջանկություն է լավ բարեկամ ունենալը, մանավանդ, որ լավ բարեկամները քիչ են պատահում:

► - Այն, որ ինչքան դուք նրան թույլ տաք վեր բարձրանա, այնքան ավելի բարձրից է ընկնելու, երբ ընկնելիս լինի:

► Ծաղիկները երփներանգվում, գունավորվում և բուրում են միայն արևից, իսկ կանայք՝ սիրուց:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:

մեկնաբանություններ