Շնորհավոր Նոր Տարի
2013-12-31 4537
Սիրելի Գրքամոլներ... Ահա ևս մեկ տարի անցավ պատմության գիրկը, ևս մեկ տարի մնաց մեր հիշողության մեջ, տարի, որ բոլորիս մոտ էլ լի էր վերելքներով և անկումներով, հաջողություններով և անհաջողություններով: Մենք ի սրտե ցանկանում ենք, որ գալիք տարին բոլորիս կյանքում իր հետ բերի միայն լուսավոր, պայծառ սեր, և բոլորս միայն հասնենք նորանոր բարձունքների ու հաջողությունների: Գրքամոլ ֆեյսբուքյան էջը, իրենից ներկայացնելով մի յուրատեսակ համակարգ, դարձել է հազարավոր ընթերցողների սիրելի ընկերը: Այս տարին Գրքամոլի համար խորհրդանշվեց որպես վերելքների, բարձունքների, նորանոր նախաձեռնությունների տարի: Ստեղվծեց մեր կայքը՝ Գրքամոլ.am-ը, որն իրենից ներկայացնում է մեր ամբողջ աշխատանքը մեկ վայրում հավաքագրված, ունեցանք հանդիպումներ, հարցազրույցներ, մեզ մոտ հրապարակվեցին 100-ից ավել երիտասարդ ստեղծագործողների աշխատանքները, արդեն իսկ սկսվել են աշխատանքները գրքերը էլեկտրոնային տարբերակով պատրաստելը և տեղադրվելը մեր կայքում: Եվ այս ամենը արվում է միայն ու միայն Ձեզ համար, սիրելի ընթերցող, որպեսզի այսօրվա դժվարին ժամանակներում ընթերցող-գիրք կապը է՛լ ավելի սերտանա և ամրապնդվի: Եվս մեկ անգամ մեր նախաձեռնության կողմից շնորհավորում ենք Ձեր բոլորի գալիք Ամանորն ու Սուրբ ծնունդը:
Դիտեք ավելին Այլ բաժնում
մեկնաբանություններ