Սոնա Պապյան «Ճշգրիտ հաշվարկներ»

Դու լավ էիր թվաբանությունից։
Ամեն ինչում ճշգրիտ հաշվարկներ էիր անում:
Ինչքա՞ն է պետք սիրել, ի՞նչ ուժգնության կարոտել, որքա՞ն ջերմություն տալ և ո՞ր պահին այն փոխակերպել անտարբեր սառնության, ինչքա՞ն պետք է սպասել, մինչև կարոտը լիարժեք դառնա՝ նոր հանդիպում ձեռնարկելու համար։

Ես թվեր ու հաշվարկներ չեմ սիրում, իմ սերն անպայման է.
Ինձ մտածել պետք չէր։
Սիրող մարդուն հոգին ու սիրտը լիուլի հերիք են։
Թույլատրվածից ավելին սիրել, նույնիսկ վայրկյաններն ու րոպեները շատ համարել՝ իրարից անջատ լինելու համար։ Դեռ չհանդիպած կարոտել՝ հասկանալով, որ երկու ժամից էլի անջատվելու ենք իրարից՝ որ սպասենք։
Սպասենք այնքան, մինչև կարոտը լիարժեք դառնա՝ նոր հանդիպում ձեռնարկելու համար։

Ո՞ւմ պետք եկան քո թվերն ու հաշվարկները, երբ մի խելքը գլխին լուծում էլ չգտար՝ իրար կողքի մնալու համար։

Հեղինակ` © Սոնա Պապյան