Ստեֆան Ցվայգ «Երկվորյակ քույրերը»

► Յուրաքանչյուր մահկանացուի հոգում բարու և չարի, մարմնի և հոգու միջև ընկած են անիմանալի ճանապարհներ:

► Այս աշխարհի Արարիչը տղամարդուն ստեղծելիս հաստատ նրա մեջ խոտոր ինչ-որ բան է հղացել, ուստի նրանք կանանցից միշտ պահանջում են հակառակը այն բանի, ինչ նրանց կանայք են առաջարկում: Եթե կինը հեշտությամբ տրվում է նրանց, երախտագիտության փոխարեն տղամարդիկ հավատացնում են, թե կարող են մաքուր սրտով սիրել միայն անմեղությունը: Իսկ եթե կինը փորձում է պահպանել իր անմեղությունը, ապա տղամարդիկ ուրիշ մտածմունք չեն ունենում, քան խնամքով պահանվածը գողանալը: Եվ երբեք նրանք հանգիստ չեն գտնում, քանի որ նրանց ցանկությունների հակասականությունը պահանջում է հավիտենական պայքար մարմնի և հոգու միջև:

► Առաքինությունդ պաշտպանելու համար պետք է, որ որևէ մեկը ոտնձգություն կատարի նրա հանդեպ:

► Իմաստությունն ասում է, որ եթե սատանայի մորուքի մեկ մազին դիպչես, նա անպայման կբռնի քո վզակոթից:

► Առաջին անգամը չէ մեր խաբուսիկ աշխարհում, որ Հեղինեն հաղթում է Սոֆյային, գեղեցկությունը հաղթում է ողջախոհությանը, արատը՝ առաքինությանը, հավիտենապես մեղավոր մարմինը՝ փխրուն և տիրական ոգուն։ Եվ վերստին հաստատվում էր այն ճշմարտությունը, որի մասին գանգատով խոսում էր Հոբը իր հիշարժան խոսքերում, որ չար մարդիկ երկրի վրա ապրում են բարօրության մեջ, մինչդեռ պարկեշտ մարդը խայտառակվում է, և ազնիվն արժանանում է ծիծաղի։ Քանզի ողջ երկրի վրա ո՛չ մաքսավորը, ո՛չ հարկահավաքը, ո՛չ տակառագործը, ո՛չ վաշխառուն, ո՛չ ոսկերիչը, ո՛չ հացթուխը, ո՛չ գրպանահատը, ո՛չ եկեղեցի թալանող ավազակը իր ծանր աշխատանքով այդքան դրամ չէր հավաքել, որքան երկվորյակ քույրերը իրենց քնքշանքների արհեստով։

► Բայց իմաստություն կա նաև մեկ այլ ասացվածքի մեջ, որն ասում է՝ որքան էլ սատանան աշխույժ թռվռա, միևնույն է, մի օր կոտրելու է ոտքը:

► Հիմա նա ավելի հաճախ էր վերցնում փոշոտված սուրբ գրքերը, քանզի իմաստությունը հաճույքով վերադառնում է այն կանանց մոտ, որոնցից հեռանում է գեղեցկությունը:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով: