Տասոս Լիվադիտիս «Այս աստղը բոլորիս համար է»

Աչքերդ
Օ, ինչ ասեմ, սեր իմ աչքերիդ մասին
երբ աչքերդ գեղեցիկ են, ինչպես աշխարհի բոլոր երգերը
երբ աչքերդ մեծ են, ինչպես ամենամեծ հույսը:
Աչքերդ:

Երբ ժպտում էիր, մի աղավնի անցնում էր գիշերով կամարի միջով
մի ոսկե ամպ ճամփորդում էր երկնքում, երբ ժպտում էիր:
Երբ ժպտում էիր, մոռանում էի, որ տանիքը կաթում էր, մոռանում էի անցք ունեցող հատակը,
Ասում էի, այո, հենց այս անցքերից
ուր որ է մեծ կարմիր վարդեր կաճեն:

Ամեն ինչ կարող էր տեղի ունենալ աշխարհում, սեր իմ,
այն ժամանակ, երբ ինձ ժպտում էիր:

Թարգմանությունը հունարենից՝ © Մարի Գրիգորյանի