Թեոդոր Դրայզեր «Պատվար»

2021-07-24 7474

Բեռնել գիրքը

► Կյանքը ոչ այլ ինչ է, եթե ոչ բավականին մոտավոր ու անկայուն հավասարակշռության մեջ գտնվող երևույթների միագումարություն:

► Այնքան էլ հեշտ չէ հաշտ ու խաղաղ կյանք ստեղծել մի տան մեջ, որտեղ չորս երեխա միասին են առավոտից մինչև երեկո: Ծայր կառնեն վեճեր, անախորժություններ:

► Ամեն ոք աշխատում է փայլել նրանով, ինչ ունի:

► Եկեղեցիները բոլորովին այլ են, դրանք հավատի հետ ոչ մի ընդհանուր բան չունեն:

► Աստված անտարբեր չի գտնվում նրանց հանդեպ, ովքեր նրան դիմում են սիրով ու հավատով:

► Սոլոնը նրան էր նայում հուզված վերջինիս գեղեցկությամբ, նրա մոտիկությամբ, և հանկարծ նրա մեջ մի անզուսպ ցանկություն առաջացավ նրան ասելու՝ թե նա որքան լավն է և որքան թանկ իր համար: Բայց կյանքում առաջին անգամ խոսելու շնորհքը դավաճանեց նրան և նա անճարականորեն կմկմաց, չգտնելով անհրաժեշտ բառեր...

► Այդպիսին է աշխարհը՝ այնտեղ ամեն ինչ անարդար է. ոմանց չափից ավելի է շնորհված, իսկ մյուսները ոչինչ չունեն:

► Ինձ շատ ավելի հետաքրքրում են այն սքանչելի իրերը, որոնք կարելի է փողով ձեռք բերել, քան այն, թե ինչպես է ձեռք բերվում այդ փողը:

► Մեր սերը մեկ օրվա համար չէ, այն հավիտենական է։ Այն կապրի քո մեջ, որտեղ էլ որ դու լինես, և իմ մեջ էլ կապրի։ Մենք այդ չենք մոռանա։

►  Մենք միայն մեկ օր է, որ բաժանվել ենք, իսկ ինձ տասը տարի է թվում։ Բարի գիշեր իմ անգին, հենց այն միտքը, որ դու կողքիս ես, սփոփանք և ուրախություն է բերում ինձ։

► Տառապանքը աստծնունդ է առնում ցանկությունից:

► Ուրախ եղիր, որ քո ճանապարհին աղքատ է հանդիպել, որովհետև, օգնելով նրան, դու օգնում ես քեզ։ Օրհնյալ է ոչ թե նա, ում տալիս են, այլ նա, ով տալիս է։

► Ամուսնանալը կնոջ համար միակ հնարավոր ուղին չէ, և ինչ-ինչ պատճառներով չամուսնացած աղջկան դառն հիասթափություններ են սպասում կյանքում, եթե նա իր համար ժամանակին չգտնի այլ հետաքրքրություններ:

► Իսկական լուսավորված մարդը նա չէ, ով շատ գիտե, այլ միայն նա, ով տիրապետում է ճշմարիտ իմացությանը:

►  Որդիս, Աստված ոգի է: Նա ամենուրեք է, ինչպես լույսը, ինչպես օդը, որ դու շնչում ես, ինչպես ձայնը, որ լսում են քո ականջները. եվ հիշիր, որ եթե դու որևէ վատ բան ես արել, այդ նա է քեզ օգնում՝ գիտակցելու քո սխալը և ափսոսալու սխալիդ համար:

► Նախախնամությունը մի օր կպատժի բոլոր նրանց, ովքեր խղճի հետ մանր գործարք կնքելով հասնում են մեծ հաջողության:

► Թեև աշխարհում գոյություն ունեցող իրերի կարգը Աստծուց է սահմանված, ու թեև մարդը պատրաստ է ենթարկվելու Աստծու կանխագծումներին և թափանցելու դրանց խորքը, բայց կյանքում երբեմն լինում են այնպիսի բաներ, որոնք անկախ այս ամենից, լինում են անարդար:

► Աստված առևտուրն ու ձեռնարկատիրությունը ստեղծել է հատուկ նրա համար, որպեսզի աջակցի լուսավորությանը, կրթությանը և աշխարհի բոլոր մարդկանց ընդհանուր բարեկեցությանը:

► Չարիքի ոստայնի մեջ խճճված ամեն ոք դրա համար կհատուցի, եթե ոչ այս աշխարհում, ապա ապագայում:

► Մեր ժամանակների ցավն այն է, որ մարդիկ դադարել են մտածել Աստծու մասին: Նրանք մոռացել են, որ իրենք սոսկ երկրային բարիքների կառավարիչներ են, Աստծու կամքը կատարողներ:

► - Աղջիկս, ես հենց հիմա կյանքի ու Աստծո մասին մի բան իմացա, որ երբեք չգիտեի: Խոտի մեջ մի լորտու էր սողում, և թեպետ ես գիտեի, որ դա անվնաս կենդանի է, այնուամենայնիվ, ակամայից վախ զգացի, որովհետև այդ ցեղի լորտուները, եթե նրանց վախեցնես, գլուխը վեր են ցցում և բուկը ուռցնում՝ հնդկական թունավոր կոբրայի նման: Եվ ես որոշեցի խոսել նրա հետ: Ես գիտեմ, որ դու անվնաս ես, ասացի նրան, ես քեզ չեմ դիպչի, սողա ուր ուզում ես: Եվ իսկույն նրա վիզը սովորական տեսք ստացավ, գլուխը ցած իջավ, և նա շարունակեց սողալ: Բայց ես ցանկացա իմանալ, թե ինչ երկարություն ունի, և երկու քայլ էլ չէի արել նրա հետևից, երբ նա կրկին ցցեց գլուխը ու սկսեց փքվել կոբրայի նման: Այն ժամանակ ես վերստին խոսեցի նրա հետ, հավատացրի, որ նրան չար բան չեմ կամենում և միտք չունեմ հետապնդել նրան: Դրանից հետո ես վերադարձա իմ նախկին տեղը և կանգ առա: Ես ուզում էի տեսնել, թե նա ինչպես է սողալու: Եվ հանկարծ նա շրջվեց և սկսեց սողալ ուղիղ իմ կողմը: Նա այնքան մոտեցավ ինձ, որ քսվեց կոշիկիս քթին: - Ի՜նչ զարմանալի է, - բացականչեց Էտտան: - Աղջիկս, ես միայն նոր հասկացա, թե որքան քիչ բան գիտենք այն մեծի ու անվախճանի մասին, որի մի մասնիկն է կազմում մեզնից յուրաքանչյուրը: Հասկացա և այն, որ մարդկանց հայտնի լեզուներից բացի, աշխարհում կան նաև ուրիշ լեզուներ, և բարու լեզուն հասկանալի է բոլոր կենդանի էակներին, որի համար էլ այդ լորտուն հասկացավ ինձ, ինչպես ես ինքս հասկացա նրան: Նա չէր ուզում ինձ վնաս պատճառել, նա պարզապես վախեցել էր: Իսկ ես նրան մոտեցել էի ոչ միայն բարի դիտավորություններով, այլև սիրով, և հասկանալով այդ, նա դադարեց վախենալուց, այնքան մոտ սողաց ինձ, որ քսվեց կոշիկիս: Եվ ես շնորհակալ եմ Աստծուց, որն ինձ ապացույց տվեց այն բանի, որ նա ամենակյաց է, որ նա բարի է բոլոր էակների, իր ստեղծած բոլոր արարածների նկատմամբ: Եվ մի՞թե ես ու այդ լորտուն կհասկանայինք իրար, եթե երկուսս էլ նույն մասնիկները չլինեինք Աստծու արարած աշխարհի: Այժմ ես գիտեմ, որ աստծու բոլոր էակներին պետք է սիրով վերաբերվել...

► Աստծուն ուղղված աղոթքը անպատասխան չի մնում:

► Կյանքը օրինաչափ մասնիկի երևույթների գումար է, երևույթների, որոնց իմաստն այն է, որ դրանցից յուրաքանչյուրը իր մեջ պարունակում է աստվածային կամքից մի հատիկ:

► Ազնվությունը Աստծուց պատգամված հատկություն է: Կնոջ առաքինությունը աշխարհակարգի գեղեցիկ հիմքերի արտահայտությունն է:

► Եղբայրք, եթե որևէ մեկը ընկել է մեղքի մեջ, դուք, որ ուժեղ եք ոգով, հեզությամբ ու հորդորանքով, օգնեցեք նրան ոտքի կանգնել, հիշելով, որ ձեր ճանապարհին էլ կարող է հառնել «գայթակղությունը»:

► Կան մարդիկ, որոնք ի տարբերություն ռեալ, պրակտիկ խառնվածքի տեր բնավորությունների, շատ շատ են ընկնում իդեալի իշխանության տակ և արդեն չեն կարողանում նրանից բաժանվել: Նրանց այս հատկությունը բնածին է: Այդպիսի մարդկանց համար աշխարհը նյութական չէ, կոնկրետ չէ, ինչպես մեծամասնության համար: Աշխարհը նրանք ընկալում են որպես գույների, հնչյունների և կերպարների սիմֆոնիա: Բայց նրանց համար դժվար է հարմարվել այդ աշխարհին, որովհետև նրանք շրջապատի մեջ չեն հանդիպում այն ըմբռնմանն ու հոգեկան արձագանքին, որոնց ծարավի են:

► Լինում է հատուկ տեսակի խելք, որն ուղղված է ընկալելու միայն գեղեցիկը, ի վիճակի է ներշնչվելու ամպերի ձևերով կամ որթատունկի մատիկների նրբությամբ, խելք, որը հեռու է ամեն տեսակի նյութականից, որի էությունը ոչ թե միտքն է, այլ երազանքը, բայց երազանքն այդ հարազատ է աշխարհի բոլոր մարդկանց հույսերին ու ձգտումներին:

► Լինում է հատուկ տեսակի խելք, որն ուղղված է ընկալելու միայն գեղեցիկը, ի վիճակի է ներշնչվելու ամպերի ձևերով կամ որթատունկի մատիկների նրբությամբ, խելք, որը հեռու է ամեն տեսակի նյութականից, որի էությունը ոչ թե միտքն է, այլ երազանքը, բայց երազանքն այդ հարազատ է աշխարհի բոլոր մարդկանց հույսերին ու ձգտումներին:

► Սուտը մեծ արատ է: Եթե սովորեցիր ստել՝ կյանքից ոչ մի լավ բան մի սպասիր: Դու երբեք չես կարող նայել կանոնավոր մարդկանց աչքերին: Նրանք քեզնից կխուսափեն, ինչպես բորոտից:

► Իսկական բարեպաշտությունն ու հոգու անաղարտությունը այն է, երբ սփոփում ես դժբախտացած անտերունչներին ու որբևայրիներին և հեռու մնում երկրային ապականությունից:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:

Դիտեք ավելին Մեջբերումներ Գրքերից բաժնում

մեկնաբանություններ