Վարուժէ «Գնանք»

2014-12-24 4214

Այստեղ քեզ համար տանջվում եմ այսպես,
Այնտեղ ինձ համար տառապում ես դու,
Չկա ճանապարհ, չգիտեմ հասցեդ,
Մեզ անջատում է մի տարածություն:
Օտար մի սիրո փշրանքը գտած
Քեզ մխիթարում ու խաբում ես դեռ,
Ես անհարազատ մի կնոջ գրկած
Խելացնորված փարձում եմ ապրել:
Եվ չի հասկանում այստեղ ինձ ոչ-ոք,
Եվ ոչ-ոք այնտեղ քեզ չի հասկանում,
Լսում ենք բախտի խոսքերն անողոք,
Սակայն մեր բախտը դեռ մեզ չի լսում:
Որոնում դարձավ իմ կյանքը այսպես,
Քո կյանքը երկար սպասում եղավ...
Սակայն,ի վերջո, կգտնեմ հասցեդ
Կասեմ`հավաքիր ճամպրուկդ, գնանք...

Հեղինակ՝ © Վարուժէ

Դիտեք ավելին Ստեղծագործություններ բաժնում

մեկնաբանություններ