Գրքամոլ Ակումբ. Խումբ Առաջին. Ավարտ

2014 Թ. օգոստոսի 11-ն էր, երբ մեկնարկեցին «Գրքամոլ» ընթերցասերների ակումբի Առաջին Խմբի հանդիպումները, իսկ ահա 2016թ. փետրվարի 27-ին դրանք մոտեցան իրենց տրամաբանական ավարտին: Բնավ կարիք չկա ներկայացնելու այն ազդեցության չափը, այն մեծ ներուժը, որն ուներ 2 տասնյակ ընթերցասերներից կազմված այս խումբը, որը կոտրեց և դեռ շարունակում է կոտրել այն նախապաշարմունքները, թե այսօրվա հայ երիտասարդները անտարբեր են գրականության նկատմամբ և գրքեր չեն կարդում: Կարդու՛մ են, սկսած հայ դասականներից, վերջացրած համաշխարհային գիգանտներով: Շուրջ տարիուկես տևող մեր քննարկումներին ականատես եղան և՛ երիտասարդները, և՛ ավագ սերնդի ներկայացուցիչները, ակումբի մասին խոսվեց թե՛ մամուլում, թե՛ եթերում, և բոլորը գոհ էին երիտասարդների այս նախաձեռնությունից ու իրենց երախտավորությունը հայտնում մեզ այս հանրօգուտ գործում, ինչի համար, ձեզ ընդամենը շնորհակալություն բառն ասելը քիչ է: «Գրքամոլ Ակումբ»-ը դարձել էր մի վայր, որտեղ ոչ միայն քննարկվում էին գրքեր, այլև արդեն ձևավորվել էր մի փոքր ընտանիք, որում յուրաքանչյուրն իր առօրյա հոգսերից ու պարտականություններից հետո վերագտնում էր իր դրական էներգիան, լիցքավորվում սրտագին զգացողություններով, հեռանում քննարկումից ու անհմաբերությամբ սպասում գալիք հաջորդ հանդիպմանը: Սա մի վայր էր, որտեղ յուրաքանչյուր ոք հայտնվելով անմիջապես կտրվում էր արտաքին աշխարհից ու մտնում մի նոր մոլորակ, ուր բոլորը բարի են ու ջերմ, ինչպես գրքերի մեր սիրված հերոսները:

Իհարկե, Ակումբը ունի նաև ընթերցասերների Երկրորդ Խումբը և այժմ շարունակվում ու հետագայում էլ կշարունակվեն մեր հանդիպումները, սակայն սա մեր անդրանիկ խումբն էր, որի անդամները մեզ հավաստիացրին, որ այն, ինչ մենք որոշել ենք իրագործել, բնավ հեռավոր երազանքներ չեն, այլ իրական հասանելիք կյանքից: Մեր անցկացրած քննարկումները դասվեցին մեր կարճ կյանքի ամենահաճելի պահերի, ժամերի, ակնթարթների դասին, ու տարիներ անց այս ամենը կտաքացնի մեզ՝ իրենց ջերմ հուշերով...

[caption id="attachment_16577" align="aligncenter" width="700"] Ահա նրանք, երիտասարդ ընթերցասերները[/caption] [caption id="attachment_16586" align="aligncenter" width="750"] Սեպտեմբեր 10, 2014թվական, երբ բոլորս դեռ փոքր էինք...[/caption] [caption id="attachment_16582" align="aligncenter" width="750"] Տարիուկես անց...[/caption] [caption id="attachment_16583" align="aligncenter" width="750"] Ակումբի անդամները ստացան իրենց վկայականները[/caption] [caption id="attachment_16581" align="aligncenter" width="750"] Գրքամոլ Ակումբ. Խումբ Առաջին[/caption]

Մեր առանձնահատուկ շնորհակալությունն ենք հայտնում Ավ. Իսահակյանի անվան գրադարանին, հանձինս մեր լավ ընկեր տնօրեն Հասմիկ Կարապետյանին, ով միշտ օգնեց և շարունակում է օգնել Ակումբին՝ անցկացնելու իր հանդիպումները:

Հ.Գ. Հանդիպման բոլոր նկարներն՝ այստեղ: