Գրքամոլ Ակումբ. Խումբ Առաջին. Քննարկում Քսանմեկ. Գաբրիել Գարսիա Մարկես «Սերը ժանտախտի օրերին»

2015-11-09 4124

Նոյեմբերի 9-ին Ավ. Իսահակյանի անվան գրադարանում տեղի ունեցավ Գրքամոլ ակումբի առաջին խմբի նախավերջին քննարկումը: Քննարկման թիրախ էր հանդիսացել Գաբրիել Գարսիա Մարկեսի «Սերը ժանտախտի օրերին» գիրքը: Երրորդ մակարդակի քննարկման կարգի համաձայն՝ ակումբի մասնակիցները սկզբում դիտեցին ֆիլմը, այնուհետև անցկացրին համեմատականներ ֆիլմի և գրքի միջև: Ֆիլմի ավարտից հետո անդամները բաժանվել էին երկու խմբի. նրանց մի մասը վեպի գլխավոր հերոս Ֆլորենտինո Արիսային վերագրեց որպես թուլամորթ կերպար, ով իր սիրուն հասնել չկարողանալու համար իր միակողմանի սերը սկսեց փնտրել հարյուրավոր այլ կանանց մեջ, և Ֆերմինա Դասայի ամուսնու մահից հետո միայն ունեցավ համարձակություն մոտենալու Ֆերմինային և ասել, որ այսքան տարի սիրել և սպասել է նրան: Իսկ անդամների մյուս մասն էլ այն կարծիքին էր, որ ոչ թե իր թուլամորթության, այլ հանգամանքների բերումով չստացվեց այնպես, որ Ֆլորենտինո Արիսան կարողանար իր բախտը կապել Ֆերմինա Դասայի հետ, սակայն վերջինիս մեջ սերն այնքան ուժեղ էր, որ հինգ տասնամյակ անց նրա մեջ դրա զգացմունքը դեռ չէր մարել, և այդքան տարիներ համառորեն սպասելուց հետո միայն ունեցավ հնարավորություն կրկին մոտենալու իր սիրած կնոջը և ասել դրա մասին. "Ֆերմինա,- ասաց նա,- ես այս առիթին կես դար եմ սպասել, որպեսզի մի անգամ ևս կրկնեմ հավերժ հավատարմության ու հավերժ սիրո իմ երդումը": "Լավագույն սերը, կիսատ թողածն է"-կասեր հայ հանճար Պարույր Սևակը, և Ֆլորենտինո Արիսայի մոտ կիսատ թողած սիրո արդյունքն էր, որ տարիների ընթացքում այն փոխանակ մարելու, այլ գնալով ավելի էր բոցավառվում՝ որպեսզի հասներ իր գագաթնակետին:

Ակումբի առաջին խմբի վերջին քննարկումը կլինի նոյեմբերի 21-ին, որտեղ քննարկվելու է Օնորե դը Բալզակի «Շագրենի Կաշին» գիրքը և դիտվելու է համապատասխան ֆիլմը:

Հ.Գ. հանդիպման բոլոր նկարներն՝ այստեղ:

 

Դիտեք ավելին բաժնում

մեկնաբանություններ