Գրքամոլ Ակումբ. Խումբ Հինգերորդ. Հանդիպում III. Գաբրիել Գարսիա Մարկես «Նահապետի Աշունը»
2018-08-24 1819
Գրքամոլ Ակումբի անդամները հերթական անգամ հավաքվել էին մեկ հարկի տակ՝ քննարկելու կոլումբացի գրող Գարսիա Մարկեսի «Նահապետի Աշունը» ստեղծագործությունը: Քննարկման եզրահանգումներից մեկն այն էր, որ գիրքը դատավճիռ է գոյություն ունեցող բոլոր բռնապետական համակարգերի համար, ինչի վառ ապացույցը տեսանք նաև մեր երկրում: Սցենարային առումով բազմաթիվ զուգահեռներ անցկացվեցին Գեներալ Սակարիայի և մերօրյա գեներալների ու նախկին բարձր պաշտոնյաների կենցաղի և առօրյայի, բնավորության գծերի ու վարքի միջև: Ստեղծագործությունը հանդիսանում էր բացահայտում շատ մարդկանց համար, քանզի քչերն էին պատկերացնում, որ իշխանության գագաթին գտնվող մարդը կարող է գտնվել միայնության մեջ շատ ավելի ուժգին ձևով, քան հասարակ, սովորական աշխատանքով ապրող մարդը:
Աումբականները ստեղծագործությունը համեմատեցին Մարկեսի մյուս գրքերի հետ, համարելով, որ մենության և հերոսների մեջ սիրո բացակայության թեմաներով Մարկեսի այս գիրքը համեմատած իր մյուս գործերի՝ գտնվում է գագաթնակետում: Ակումբականները հիացած էին Մարկեսի լեզվով, մի քանի էջանոց նախադասություններով, Մարկեսի՝ ժամերով պատմելու բացառիկ տաղանդով և վեպում սյուժեի ու փիլիսոփայության խորը հագեցվածությամբ:
Հ.Գ. Հանդիպման բոլոր նկարներն՝ այստեղ:
Դիտեք ավելին Գրքամոլ Ակումբ բաժնում
մեկնաբանություններ