Ձեզ ենք ներկայացնում  «Հինգ վիպակ» գրքի էլեկտրոնային տարբերակը:

Հինգ վիպակի մեջ ներառված են հետևյալ 5 գրքերը՝

Ալբեր Քամյու «Անկում» (էջ 4-80) «Անկումը» ֆրանսիացի գրող Ալբեր Քամյուի ամենահայտնի ստեղծագործություններից մեկն է, որը լույս է տեսել 1956 թվականին: Այն հեղինակի վերջին ավարտված ստեղծագործությունն է: Ստեղծագործության մեջ կիրառվում է «գիտակցության հոսք» գրական ոճը: «Անկում»-ը էականորեն տարբերվում է Քամյուի մյուս ստեղծագործություններից: Վիպակում Քամյուն քննադատության է ենթարկում սեփական աշխարհայացքը: Դա մի հարգարժան իրավաբանի պատմություն է, ով երկար տարիներ ապրում էր ձանձրալի, անիմաստ, բայց բավականին պատկառելի կյանքով, սակայն մի օր վերապրեց լուսավորության պահը և որոշեց գործել: Այդ արարքը փոխեց նրա կյանքը և դատապարտեց նրան երկար տարիների ցավալի կասկածների:

Թոմաս Վուլֆ «Երկրի Ոստայնը» (էջ 80-130) վիպակը հրատարակվել է հետմահու (1939)։  Ինչպես «Նայիր տանը քո, հրեշտակ», «Ժամանակի և գետի մասին» և «Դեպի տուն վերադարձ չկա» վեպերում՝ հեղինակն այստեղ ստեղծագործում է ֆոլքներյան հայտնի բնորոշմամբ՝ ողջ աշխարհը տեղավորել ասեղի ծակի մեջ։ Ամերիկացի գեղջկուհու մենախոսություն պատմության գրեթե առասպելաբանական կառույցը ներառում է գոյության ողջ խռովքն ու խուլ տագնապը։ «Մեզանից դուրս և մեր մեջ իսկ ինչ֊որ «անբացատրելի» բան կա»՝ արձակագրի հենց այս խոստովանության մեջ էլ թաքնված է վիպակի վսեմ և ողբերգական, տագնապալի և արարչագործ կենսառիթմը։

Ջորջ Օրվել «Անասնաֆերմա» (էջ 130-196) Բոլոր կենդանիները հավասար են, բայց կան կենդանիներ, որ ավելի հավասար են: Սա թերևս Ջորջ Օրվելի` հեղափոխական հույսերի կործանումը նկարագրող պատմության, ամենահայտնի արտահայտություններից մեկն է: Այս ստեղծագործությամբ Օրվելը բացահայտում է սովետական առեղծվածը:

Ռիչարդ Բախ «Ջոնաթան Լիվինգսթոն Ճայը» (էջ 196-220) «Ջոնաթան Լիվինգսթոն ճայը» Ռիչարդ Բախի ամենահեղինակավոր ստեղծագործությունն է: Այն մի ճայի կյանքի պատմություն է, որը նկարագրում է իր կյանքն ու ու հաջողությունները: Մի թռչուն, ով իր կյանքում թռչելու ունակությունը չի դիտարկում որպես ուտելիք հայթայթելու միջոց, այլ  որպես բարձր արժեք, որպես արվեստ և որպես ապրելու ու կյանքի իմաստ: Իր թռչելու հնարավորություններում և անսահման ազատության փնտրտուքների մեջ նա գտնում է իր նման ևս մի երամի, որտեղ թռչելը նորից դիտարկվում է որպես բարձր արժեք և կատարյալին ձգտելու ուժ ու միջոց: Հետագաում, Ջոնաթան Լիվինգսթոնը նորից ետ է վերադառնում, որպեսզի արդեն սկսնակ թռչողներին սովորեցնի  թռչելու արվեստը և իմաստը, և որ թռռչելու ունակությունը հարկավոր չէ օգտագործել միայն ուտելիք հայթայթելու համար, այլ այն օգտագործել որպես կատարյալին հասնելու, կատարելագործվելու միջոց:

Գաբրիել Գարսիա Մարկես «Մի հայտարարված սպանության խրոնիկա» (էջ 220-285) «Հայտարարված սպանության խրոնիկա» (1981 թ.) երկն առանձնանում է ձևի և բովանդակության նորարարությամբ. սպանության ականատեսներից յուրաքանչյուրն այն ներկայացնում է յուրովի: Ճակատագիր, որ հնարավոր չէ փոխել: Սպանություն, որ չպետք է տեղի ունենար, բայց տեղի ունեցավ: Մարդը դատապարտված է մահվան, և շուրջբոլորը գիտեն, որ նա պետք է մահանա: Ոչ ոք չի ուզում այդ մահը, և առաջին հերթին` ապագա մարդասպանները: Նրանք անում են ամեն ինչ, որպեսզի իրենց կանգնեցնեն: Բայց ոչինչ փոխել արդեն հնարավոր չի...

Գիրքը լուսապատճենվել է «Համահայկական Էլ. Գրադարան» կայքի՝ freebooks.do.am-ի կողմից և ներկայացվում է ընթերցողների ուշադրությանը: 

Ժանր: Վիպակ
Էջ: 285, 1991թ.

Բեռնելուց դժվարություններ առաջանալու դեպքում գրեք grqamol@gmail.com էլ. հասցեին և մենք Ձեզ կօգնենք:

* * *

Եթե համակարգչի մեջ չունեք`

PDF Reader, DJVU Reader

* * *

Գիրքը լուսապատճենվել և համացանցում է տեղադրվել Գրքամոլ Նախաձեռնության կողմից:​

Բոլորի կողմից սիրված Գրքամոլ-ը սկսել է մի նախաձեռնություն, որի նպատակն է համացանցում էլեկտրոնային տարբերակով տեղադրել բոլոր այն գրքերը, որոնք սիրված են հայ ընթերցասերների կողմից և ցանկանում են դրանք ընթերցել նաև էլեկտրոնային տարբերակով: Ժամանակի ընթացքում մեր կողմից համացանցում կհայտնվեն բոլոր այն գրքերը, որոնք մինչ այս ինչ-ինչ պատճառներով ձեզ համար եղել են դժվար ձեռքբերելի:

Գրքամոլը, ունենալով իր ուրույն տեղը համացանցում, իր առջև նպատակ է դրել հասարակության մեջ բարձրացնել սերը դեպի ընթերցանությունը, առաջացնել հետաքրքրություն դեպի դասական և արդի գրականությանը, և կոտրել բոլոր այն կարծրատիպերը, թե այսօրվա հայ իրականության մեջ ընթերցողներ չկան:

Սիրելի՛ ընթերցողներ, մենք շատ ուրախ կլինենք, եթե կլինեն մարդիկ, ովքեր կցանկանան օգնել մեզ այս հանրօգուտ գործում: Էլեկտրոնային գրքերի պատրաստման և մեր կայքում դրանք տեղադրելու հարցում մենք չունենք որևէ շահ և չենք չհետապնդում որևէ եկամուտ, բացի հայ և արտասահմանյան գրականությունը հայ ընթերցասերներին հասանելի դարձնելուց, և մենք բաց ենք բոլոր նվիրյալ և օգնել ցանկացող մարդկանց համար: Եթե դուք ունեք լուսապատճենահանման սարքեր, և ուզում եք միանալ մեր կողմից ձեռնարկվող այս հանրօգուտ գործին, ապա գրեք մեզ grqamol@gmail.com էլ. հասցեով:

Շնորհակալություն, որ հետևում եք մեզ: Ցանկանում ենք բոլորիդ հաճելի ընթերցանություն:

                                                                                                                                                                     Գրքամոլ Նախաձեռնություն
                                                                                                                                     URL: www.grqamol.am, e-mail: grqamol@gmail.com