«Կծու թևիկների արքան» դրաման սկսում է ԱՄՆ Թենեսի նահանգի Մեմֆիս քաղաքում տեղի ունեցող ամենամյա «Կծու թևիկների փառատոնով»: Գլխավոր հերոս Քորդել Քրաթչֆիլդը գիտի, որ թևիկների իր բաղադրատոմսն իրեն արքա կդարձնի:

Պիեսում ներկայացվում է փառատոնի նախորդ օրը Քորդելի խոհանոցում կատարվող իրադարձությունները: Քորդելի հիմնական օգնականներն են մշտապես համբերատար Դուեյնը, նրանց ամենալավ ընկերները՝ դիզայներական ապրանքանիշերի գիժ Այսոմը և ֆուտբոլի մոլեռանդ երկրպագու Մեծ Չարլզը: Բոլորը պետք է աշխատեն մինչև ուշ գիշեր՝ մասնատելով հավի միսը, խառնելով կաթսաները, ավելացնելով համեմունքներ և թրջելով փայտի կտորները. գործողություններ, որոնք շատ ժամանակ են պահանջում:

Քորդելը Դուեյնի՝ մասնագիտությամբ հյուրանոցային կառավարչի հետ միայն վերջերս է տեղափոխվել Մեմֆիս քաղաք: Սակայն նա մտահոգ է կառավարչից ֆինանսապես կախված լինելու պատճառով, քանզի դեռ պետք է նոր աշխատանք գտնի Մեմֆիսում: Ուստի Քորդելն իր ողջ էներգիան ուղղում է մրցության համար հիանալի թևիկներ պատրաստելուն՝ մոլուցքով կենտրոնանալով նոր բաղադրատոմսի վրա:

Քորդելը նախ մարինացնում է միսն ու տաքացնում է իր տապակը, որպեսզի ստանա խրթխրթան շերտը: Սակայն բաղադրատոմսի պատրաստությունը վերածվում է աղետի, երբ Դուեյնը խոհանոց ներս է բերում իր տասնվեցամյա անհանգիստ եղբորորդուն: Այնուհետև հայտնվում է եղբորորդու հայրը՝ Դուեյնի եղբայրը: Տղայի մայրը մահացել է, երբ ոստիկանները նրան ձերբակալելու փորձ են արել, և կատարված ողբերգության համար Դուեյնն իրեն է մեղադրում: Դուեյնը կցանկանար, որպեսզի տղան իր հետ ապրեր, սակայն դա դժգոհություն է առաջացնում թե՛ կառավարչի, թե՛ տղայի հոր մոտ: 

Եվ ստեղծված խառնաշփոթի արդյունքում առաջին տեղի գավաթն այլևս միակ բանը չէ, որ Քորդելը կարող է կորցնել, նա կարող է ընդհանրապես ոչ մի հորիզոնական չզբաղեցնել:

Կորոնավիրուսային համաճարակի պատճառով Բրոդվեյի և առհասարակ բոլոր թատրոնները փակվել էին, ուստի այս տարի Պուլիցերյան մրցանակի խորհուրդը փոփոխել է դրամայի մրցանակաբաշխությանը մասնակցելու կանոնները՝ ներառելով առցանց բեմադրություններ և ցուցադրություններ, որոնք հետաձգվել կամ չեղարկվել էին:

© Նյութը պատրաստեց՝ Անի Գասպարյանը: