10 հետաքրքիր փաստ Էրիխ Մարիա Ռեմարկի մասին

1. Ռեմարկը, ի պատիվ քաղցկեղից մահացած մոր՝ Աննա Մարիայի պատվին, տարիներ անց անվանափոխվել է՝ դառնալով Էրիխ Մարիա Ռեմարկ (սկզբնական անունը եղել է Էրիխ Պաուլ Ռեմարկ):

2. Նյու Յորքի համալսարանը, ի պատիվ Ռեմարկի, այժմ կրում է նրա անունը։

3. Ռեմարկը ողջ կյանքում սիրում էր նրբագեղ հագնվել, նա միշտ հոգ էր տանում իր մասին և լավ տեսք ուներ։ Հատկապես փողկապների սիրահար էր։

4. 1925 թվականի հոկտեմբերի 14-ին Ռեմարկն ամուսնանում է Իլզե Յուտտա (Ժաննա) Զամբոնայի հետ։ Վերջինս տառապում էր թոքախտով և նախատիպ հանդիսացավ հետագայում Ռեմարկի «Երեք ընկեր» վեպում «Պատի» կերպարի համար։

5. Ռեմարկի վերջին սերը դառնում է դերասանուհի Փոլեթ Գոդարը, ով մի ժամանակ դերասան Չառլի Չապլինի կինն էր, ում հետ նա խաղացել էր Չապլինի «Նոր ժամանակներ» (1936) և «Մեծ բռնապետը» (1940) ֆիլմերում։ Ռեմարկին Գոդարը խնամում է մինչև գրողի մահը։

6. Ռեմարկն ունեցել է հրեշտակների հավաքածու, քանի որ կարծում էր, թե նրանք պաշտպանում են իրեն։

7. Լինելով ծագումով գերմանացի, Ռեմարկը դասական գրող է համարվում միայն Ռուսաստանում, մինչդեռ Գերմանիայում նա նույնիսկ ընդգրկված չէ լավագույն գերմանացի գրողների ցանկում։ Պատճառն այն է, որ նա ունեցել է ոչ հարթ հարաբերություններ գերմանական ժամանակակից գրականության հետ։

8. Ռեմարկի «Արևմտյան ճակատում նորություն չկա ստեղծագործությունը գնահատվել է որպես քաղաքական վեպ, և ազգային-սոցիալիստների իշխանության գալով այն արգելվել է։ Այդ առթիվ Ռեմարկը նշել է, որ ինքը զարմացած է եղել գրքի հանդեպ նման վերաբերմունքից, քանի որ իր նպատակն է եղել ներկայացնել պատերազմին ու մահվանը բախված 18-ամյա երիտասարդներին ու նրանց կյանքը՝ պատերազմի միջով անցելուց հետո։ Նրա նպատակն է եղել ցույց տալ, թե ինչ է լինում մարդկանց հետ, երբ նրանք ստիպված են լինում պատերազմում դուրս գալ այն ամենի դեմ, ինչ իրենց սովորեցրել են։ «Մի՛ սպանիր քո մերձավորին», ասվում է Աստվածաշնչում, մինչդեռ պատերազմում դա միակ միջոցն է եղել ապրելու համար։ Ըստ հեղինակի, նա այս գործին երբեք չի տվել քաղաքական երանգ, քանի որ այդ երանգավորումն ընդհանրապես փչացնում է գրողի արվեստն ու ստեղծագործությունը։ Ընդհակառակը, նա վեպում ներկայացրել է միայն մարդկային ապրումներն ու խնդիրները։ Ի դեպ, հեղինակը վեպը գրել է ընդամենը 4 շաբաթում։

9. Ռեմարկն իր նոր գրված աշխատությունները երբեք ոչ ոքի չի տվել կարդալու, նույնիսկ իր կինը դրանք սկզբից չէր կարդում։

10. «Արևմտյան ճակատում նորություն չկա» ստեղծագործության պրոդյուսեր Կառլ Լեմլին հրավիրել է Ռեմարկին նկարահանվելու համանուն ֆիլմում, սակայն վերջինս հրաժարվել է։ Ռեմարկը նկարահանվել է «Ապրելու ժամանակը և մեռնելու ժամանակը» համանուն ֆիլմում:

© Նյութի հեղինակ՝ Եսթեր Սարգսյան