5 հետարքիր փաստ Ալբեր Կամյուի մասին

1․ Ալբեր Կամյուն չի հասցրել ճանաչել հորը, քանի որ վերջինս զոհվել է Առաջին համաշխարհային պատերազմի ժամանակ՝ Վերդենի ճակատամարտում, երբ տղան մեկ տարեկան էր։ Հեղինակի վերջին և անավարտ՝ «Առաջին մարդը» ինքնակենսագրական վեպում, գլխավոր հերոսի միջոցով Կամյուն փոխանցում է իր սեփական սարսուռն այն մտքից, որ ինքն այդ ժամանակ տարիքով ավելի մեծ է, քան հայրը՝ մահանալիս:

2․ Կամյուն իր կյանքի ընթացքում շատ է ծխել։ Ծխելու հանդեպ իր մոլի սիրուց դրդված իր կատվին անվանել է «Ծխախոտ» («Cigarette»)։ Նաև մոլի սեր է ունեցել ֆուտբոլի հանդեպ։ Թեև 17 տարեկանում խաղալը թողել է տուբերկուլյոզի պատճառով, սակայն մինչև կյանքի վերջ սիրահարված է եղել այդ խաղին։
Հեղինակն այդ մասին ասել է․ «Բարոյականության և տղամարդկային պարտավորությունների մասին իմացածիս համար պարտական եմ ֆուտբոլին»։

3․ Նրա ամենահայտնի վեպը՝ «Օտարը», որը 1941 թվականին գրողն ուղարկել է տպագրության, նախքան տպագրվելը բախվել է տեխնիկական անհաջողության։ Երկրորդ համաշխարհային պատերազմի պատճառով Ֆրանսիայում տիրող ծանր իրավիճակի հետևանքով երկրում բավականաչափ թուղթ չկար գիրքը տպելու համար: Հրատարակիչ Անդրե Մալրոյին, ով տպավորված էր այն ժամանակ դեռևս անհայտ գրողի աշխատանքով և նման ստեղծագործությունը հրատարակելու գործով, խնդրել է Կամյուին թուղթ բերել իր հարազատ երկրից՝ Ալժիրից՝ գրքի հրատարակման համար։ Ի վերջո հրատարակիչը կարողացել է ստանալ բավականաչափ թուղթ՝ գիրքը 4000 օրինակով տպելու համար։ Այսպես է սկիզբ դրվել իսկական բեսթսելլերի ծնունդին․ 20-րդ դարում վաճառվել է գրքի 10 միլիոն օրինակ։

4․ Ալբերտ Կամյուն 1935 թվականին հիմնել է Բանվորական թատրոնը (Worker's Theatre), որը գործել է չորս տարի։ Թատրոնում բեմադրած գործերից մեկում՝ Ֆյոդոր Դոստոևսկու «Կարամազով եղբայրներ» ստեղծագործության մեջ, Կամյուն ինքն անձամբ մարմնավորել է Իվան Կարամազովին։

5․ Ալբեր Կամյուն մահացել է 1960 թվականի հունվարի 4-ին՝ ավտովթարից, որը տեղի է ունեցել Ֆրանսիայի Վիլբլևեն փոքրիկ քաղաքում, ուր ուղևորվում էր հրատարակիչ և իր մոտ ընկեր Միշել Գալլիմարի հետ, ով ևս մահացել է այդ վթարի ժամանակ։ Հեղինակն ի սկզբանե մտադրվել էր գնացք նստել, սակայն ինքնաբուխ ընդունել է հրատարակչի առաջարկը՝ ճանապարհորդել վերջինիս մեքենայով: Վթարի բեկորների մեջ՝ Քամյուի գրպանում, գտնվել է չօգտագործված գնացքի տոմսը։ Գրողի մահվան պատճառ դարձած ավտովթարից հետո նրա մոտ է գտնվել «Առաջին մարդը» անավարտ վեպի ձեռագիրը, որը հրատարակվել է հետմահու։

© Նյութի հեղինակ՝ Եսթեր Սարգսյան