Արուսիկ Շահնազարյան «Ուզում եմ զգալ»
2015-03-29 4657
Անողոք օրվա տխուր մայրամուտ,
Հետ վերադարձրու երազներս մութ,
Նորից արթնացրու հույսերս մարած,
Նոր ջերմություն տուր սրտիս քարացած:
Ցավերից հեռու փախչել եմ ուզում,
Ուզում եմ գրկել աստղերը բազում,
Շնչել անձրևը լուռ ու լիաթոք,
Ծվատել հոգիս ցավից անմորմոք,
Ուզում եմ քամուն լուռ հնազանդվել,
Գտնել անդորրը` վաղուց երազած,
Խավար փողոցում արև չփնտրել,
Ուզում եմ զգալ, որ կա լուսաբաց:
Զգալ եմ ուզում, որ ապրում եմ դեռ,
Քայլում ինչ-որ տեղ…
Ուզում եմ զգալ…
Հեղինակ՝ © Արուսիկ ՇահնազարյանԴիտեք ավելին Ստեղծագործություններ բաժնում
մեկնաբանություններ