Բարձր գրականություն Արքմենիկ Նիկողոսյանի հետ. «Մեծն Գեթսբի». Հյուրն է Համլետ Մուրադյանը

2017-03-07 3718

«Մեծն Գեթսբի»: Ձեզ հանրահայտ վե՞պն է ավելի դուր գալիս, թե՞ համանուն ֆիլմը: Ֆրենսիս Սքոթ Ֆիցջերալդի այս վեպի մասին է Արքմենիկ Նիկողոսյանի ու ֆիզիկոս Համլետ Մուրադյանի զրույցը «Բարձր գրականություն» շարքում: «Մեծն Գեթսբի» վեպը ամերիկացի գրող Ֆրենսիս Սքոթ Ֆիցջերալդի գլուծգործոցն է:Այն ամերիկյան գրականության «ջազի դարը»բնորոշող լավագույն ստեղծագործությունն է: Այդ ժամանակաշրջանը, որ ընդգրկում է Առաջին աշխարհամարտի ավարտից մինչև 1930-ականների Մեծ ճգնաժամի տարիները, իր անվանումը ստացել է հենց Ֆիցջերալդի կողմից: 20-րդ դարում անգլերենով գրված 100 լավագույն գրքերի ցանկում վեպը զբաղեցնում է երկրորդ տեղը: Սքոթ Ֆիցջերալդի «Մեծն Գեթսբի» վեպն ունի հարուստ կենսագրություն: Մինչ օրս ունեցել է ավելի քան 600 հրատարակչություն` ամենատարբեր լեզուներով: Վեպի հիման վրա նկարահանվել է 6 ֆիլմ` 1926, 1949, 1974, 2000, 2002 և 2012 թվականներին: Վերջին` հանրահայտ ռեժիսոր Բազ Լուրմանի 2012 թվականին նկարահանած «Մեծն Գեթսբի» ֆիլմի ցուցադրությունը հայտարարել է 2013 թվականին Կաննի միջազգային կինոփառատոնի բացումը: 2012 թվականին Լոնդոնի «Քինգս Հեդ» թատրոնում բեմադրվել է «Մեծն Գեթսբի» մյուզիքլը, իսկ 2013 թվականին «Լիդսի Գրանդ» թատրոնում` համանուն բալետը: Աղբյուրը՝ Yerevan.today

մեկնաբանություններ