Շոդերլո դը Լակլո «Վտանգավոր կապեր»

2015-01-05 7664

► Խոստովանում եմ, ամենից շատ սիրում եմ արագ և կազմակերպ գրոհը, երբ ամեն ինչ, չնայած արագությանը, կատարվում է հաջորդականությամբ:

► Եթե նվաճումը չի դառնա իմ գինը, կարժանանամ այն ձեռնարկելու փառքին:

► Եթե մարդն իր բնությամբ բարոյական լիներ, բարոյախոսներն անօգտակար կլինեին:

► Գիտակցված չարը պակաս սոսկալի է և ավելի հեշտությամբ է բուժվում, քան չարը, որը չգիտի իր մասին:

► Խանդը դատողությունից զուրկ է:

► Հասարակությանն իշխելու համար բավական է միևնույն հնարագիտոււթյամբ օգտագործել գովեստը և ծաղրը:

► Մարդիկ միայն արարքներով կարող են դատել մտքերը:

► Մարդկային ցեղը ոչ մի բանում կատարյալ չէ` ո՛չ չարի, ո՛չ էլ բարու մեջ: Ստահակը կարող է իր արժանիքներն ունենալ, ինչպես պատվավոր մարդը` իր թուլությունները: Այս ճշմարտության կարևորությանը պետք է հավատալ, քանի որ նրանից է բխում ինչպես չար, այնպես էլ բարի մարդկանց հանդեպ ներողամիտ լինելու անհրաժեշտությունը. և այս ճշմարտությունը մեկին զերծ է պահում գոռոզությունից, մյուսին փրկում է վհատությունից:

► Ոմանք զրկված լինելով մտքերից ու լիարժեք գոյությունից` առանց հասկանալու և անտարբեր կրկնում են այն ամենը, ինչ լսում են մյուսներից, իսկ իրենք մնում են կատարյալ ոչնչություններ:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:

Դիտեք ավելին Մեջբերումներ Գրքերից բաժնում

մեկնաբանություններ