Գոհար Խաչատրյան «Ցեղասպանություն»

2014-04-24 3312

Երկինքը այսօր մռայլ է, տխուր,
Հոգին դատարկվել դարձել է փխուր...
Կարծես հիշել է մի հին պատմություն...
Անհոգ մանկություն..............
Ցեղասպանություն...
Երկինքը այսօր գոռում է, ճչում,
Երկինքը այսօր պայքար է կոչում...
Երկնքին ձուլված պատանեկություն...
Ու սիրո՜ղ սրտեր...................
Ցեղասպանություն...
Երկինքը այսօր լալիս է, թախծում,
Ոռնում է անզոր ու լու՜ռ կաղկանձում...
Խոր թաղված հուշեր, սին երջանկություն...
Քանի՜ ընտանիք.......................
Ցեղասպանություն...
Ու ճերմակել է երկինքը այսօր,
Գունատվել, դարձել մի ծեր ալևոր...
Թոռներ ու ծոռներ, սեր, հավերժություն...
Խաղա՜ղ ծերություն........................
Ցեղասպանություն...
Այսօր իմ հոգին թևեր է առել
Ու հեռացել է այսօր ինձանից,
Տխուր երկնքի մովին է ձուլվել
Ու աղի արցունք մաղել վերևից...
Ցեղասպանություն...

Հեղինակ՝ © Գոհար Խաչատրյան

մեկնաբանություններ