Գրքամոլ Ակումբ. 3-րդ խումբ. Մեկնարկ

Սեպտեմբերի 3-ին, շաբաթ օրը, Ավետիք Իսահակյանի անվ. կենտրոնակական գրադարանում հավաքվել էին Գրքամոլ Ակումբի նոր ձևավոված 3-րդ խմբի անդամները: Գրքամոլ Ակումբ 3-ի մեկնարը տրված է:  Ահա թե ովքեր են նոր Գրքամոլցիները. Բադոյան Լալա

«Գրքամոլ Ակումբը» ինձ համար նորություն է, թարմություն է, հուսով եմ մեկ տարի շարունակ էդ թարմությունը կզգամ:

 

Գոհար Ավագյան

Ուզում եմ այս մեկ տարվա ձեր դրական հիշողությունների մասնիկը դառնալ:

      Սաթիկ Գևորգյան Մոտս գնդակ կա, կարող ենք գնալ այգում խաղալ (ծիծաղում է):  

Անժելա Գրիգորյան

Կարդալը ինձ համար ուղղակի զբաղմունք չէ, կարդում եմ, որովհետև պահանջմունք ունեմ, ֆիզիկական պահանջմունքի պես բան եմ զգում գիրքը ձեռքս վերցնելուց առաջ:

  Գայանե Խալաթյան Ապագա կենսաքիմիկ եմ և վերջապես ընդունվեցի «Գրքամոլ Ակումբ»՝ 2-րդ անգամից: Մտածում էի եթե այս անգամ էլ չանցա, միևնույն է էլի եմ դիմելու, անգամ եթե լինեմ 80 տարեկան, այնքան եմ դիմելու, մինչև ընդունվեմ: Անցյալ տարվանից մեկ տարի ինձ վրա շատ եմ աշխատել, գիտեմ, դուք էլ հարցազրույցին զգացիք դա: Գիտեմ որ «Գրքամոլ Ակումբ»-ում անցնելիք մեկ տարում հաճույք եմ ստանալու և ուզում եմ, որ էդ տարին ուշ անցնի:  

Հասմիկ Գաբրիելյան

Ինձ համար բացի գիրքը ընթերցելը շատ ավելի հետաքրքիր է այն քննարկելը: Համոզված եմ, այս մեկ տարին միասին անցկացնելուց հետո բոլորս էլ ավելի հարուստ կլինենք:

  Թագուհի Մեսանյան Կարդալիս հաճույք եմ ստանում: Երբ ավարտում եմ գիրքը, և փորձում քննարկել ինչ-որ մեկի հետ, ինձ թվում է թե ես եմ ճիշտ հասկացել գիրքը, որ իմ կարծիքն է ճիշտը: Եկել եմ «Գրքամոլ Ակումբ» այդ կարծրատիպը կոտրելու և հաղթահարելու համար:    

Քնարիկ Գալստյան

Նկարվել չեմ սիրում: Երբ գիրքը ավարտում եմ, սովորաբար մեկ հոգու հետ եմ քննրկում, և միշտ մեր կարծիքները տարբերվում են: Հետաքրիր է «Գրքամոլ Ակումբ»-ում իմ պես քանի՞ հոգի է մտածում:

Էլենա Չիլինգարյան Մարդիկ տարբեր են, ու էդ տարբերությունը ինձ շատ է հետաքրքրում: Եկել եմ «Գրքամոլ Ակումբ» այդ տարբերությունը ավելի վառ զգալու համար:  

Սուսաննա Խոլոյան

Վստահ եմ «Գրքամոլ Ակումբ»-ում անցկացրածս մեկ տարում գաղափարապես ավելի եմ զինվելու:

        Վլադիմիր Բոդյան «Գրքամոլ Ակումբ» եկել եմ, որպեսզի ստիմուլ ստանամ՝ սկսածս գրքերն ավարտելու համար: Վստահ եմ էստեղ նստած մարդկիկ ընդհանուր մի բան ունեն, որը միավորում է ակումբի անդամներին:  

Մանե Դավթյան

Արվեստ շատ եմ սիրում, ժամանակ առ ժամանկ ստեղծագործում եմ, դրա համար էլ էստեղ եմ:

        Սյուզաննա Մանուկյան Մի խոսք կա, ասում է՝ խելացի մարդիկ իրենց շրջապատում են էլ ավելի խելացի մարդկանցով: Հենց այս ասույթին հետևելով եմ այսօր այստեղ նստած:

Իրինա Հախունց

Ես Իրինան եմ) ծնունդով Արցախից, լրագրող եմ. արդեն չորս տարի է աշխատում եմ իմ մասնագիտությամբ: Բնականաբար Գրքամոլ եմ, նաև գրում եմ, սիրում եմ ճամփորդել, պաշտում եմ իմ` ինձանից խելառ ընկերներին, խելքս գնում ա շոկոլադի համար, նաև ֆուտբոլասեր եմ: Այսքանն այս ժամի համար, կհանդիպենք:

Գարիկ Շիբոյան

Ես Գարիկն եմ Երևանից, սովորում եմ ԵՊՀ-ի Ռադիոֆիզիկայի ֆակուլտետի 4-րդ կուրսում, աշխատում եմ, զբաղվում եմ բասկետբոլով, սիրում եմ երգել ու նվագել կիթառ, ինքս ինձ Գրքամոլ չեմ համարում:

Սիրուն Թորոսյան

Ես Սիրուն եմ, մասնագիտությամբ տարրական դասարանների ուսուցիչ եմ: Արդեն 2 տարի աշխատում եմ իմ մասնագիտությամբ: Սիրում եմ իմ մասնագիտությունը: Սիրում եմ նաև գիրք կարդալ, բայց ոչ շատ: Հույս ունեմ այս խմբին անդամագրվելուց հետո ավելի շատ հետաքրքրություն կդրսևորեմ դեպի գիրքը:

Հարություն Հովհաննիսյան

Բարև: Ես Հարությունն եմ, սովորում եմ ՀԱՊՀ ՔՀ և Ի ֆակուլտետի 4րդ կուրսում, մասնագիտությամբ ծրագրավորող, տեղեկատվական անվտանգության մասնագետ, աշխատում եմ նույն ոլորտում: Սիրում եմ արշավներ, առանձնահատուկ տեղ եմ տալիս լեռնագնացությանը: Զբաղվում եմ ընթերցանությամբ, սիրողական կիթառ եմ նվագում, իսկ ազատ ժամանակ չեմ ունենում:

Խմբի անդմաները ծանոթացան միմյանց հետ, գրեցին իրենց «ապագայի նամակները», որոնք կբացվեն մեկ տարի անց, ընտրվեց 1-ին հանդիպման քննարկվելիք գիրքը: Գրքամոլ Ակումբ 3-ի 1-ին քննարկումը տեղի կունենա սեպտեմբերի 17-ին: Առաջին քննարկվելիք գիրքն է Միլան Կունդերայի «Կեցության անտանելի թեթևությունը» ստեղծագործությունը: