Գրքամոլ Ակումբ. Խումբ 9. Հանդիպում VI. Սեյրան Գրիգորյան «Ինչու ես տխուր»

2022-03-30 633

Մարտի 19-ին «Գրքամոլ» ակումբի անդամները հավաքվել էին քննարկելու Գրքամոլ Հրատարակչատան կողմից լույս տեսած ժամանակակից հայ գրող Սեյրան Գրիգորյանի «Ինչու ես տխուր» գիրքը: Հանդիպմանը հրավիրված էր նաև հենց ինքը՝ գրողը: Գրքամոլցիներին հնարավորություն էր տրված գրողին ուղղել կարդալու ժամանակ իրենց կողմից դուրս բերված հարցերը, ստանալ պատասխաններն անմիջապես հեղինակից, ինչպես նաև իրենց կարծիքներն ասել գրքի վերաբերյալ: Դատելով մասնակիցների արձագանքներից, կարելի է վստահաբար ասել, որ գիրքը խորը հետք է թողել ընթերցողներից յուրաքանչյուրի սրտում. բոլորն ապրումակցում էին Այվազին և սիրում էին Այվազին՝ խորհրդային կարգերի հետևանքով իր ողջ ընտանիքի փլուզումը տեսած գրքի հերոսին: Հեղինակը ակումբականներին ներկայացրեց տվյալ ժամանակաշրջանը, վերջինիս բնորոշ բարքերը, խոսվեց մեր հայրենիքի ներկայի, անցյալի և ապագայի մասին:
Քննարկումն անցավ աննկարագրելի լավ մթնոլորտում, ավելի ամրացրավ հայ գրող ու ընթերցող կապը, վերջինս ավելի լավ ճանաչեց, թե ով է իր ժամանակի գրողը:

Հ.Գ. Հանդիպման բոլոր նկարներն՝ այստեղ:

Դիտեք ավելին Գրքամոլ Ակումբ բաժնում

մեկնաբանություններ