Գրքամոլ Ակումբ. Խումբ Յոթերորդ. Հանդիպում III. Հենրի Միլեր «Խեցգետնի արևադարձը»
2020-01-23 1252
«Գրքամոլ» ակումբի 7-րդ խումբը հերթական անգամ հավաքվել էր քննարկելու, այս անգամ, ամերիկացի վիպասան Հենրի Միլերի «Խեցգետնի արևադարձը» վեպը: Այն ինքնակենսագրական ստեղծագործություն է, որը պատմում է ամերիկացի գրողի Փարիզում անցկացրած օրերի և մասնավորապես նրա ունեցած բուռն տպավորությունների մասին: Վեպում հստակ ընդգծված է Միլերի անկեղծ շարադրանքը, որը շատ հաճախ հայտնվում է սուր քննադատությունների կիզակետում:
Քննարկման ընթացքում խոսվեց գլխավոր կերպարի խառնվածքի, բարոյական արժեքների մասին, ընդգծվեց վերջինիս ներաշխարհի հատկապես բացասական գծերը, շատերը տողերում նկատեցին սիրո մեղմ արտահայտություն հեղինակի կողմից, շատերը կտրականապես բացառեցին սիրո առկայությունը ստեղծագործության մեջ: Հնչեցին կարծիքներ՝ արդյո՞ք շրջակա աշխարհի գաղջ մթնոլորտի, հասարակության, առանձին անհատների մասին նկարագրությունները պայմանավորված էին հեղինակի հոռետես և ամենուրեք նեգատիվ փնտրող էության հետ, թե վերջինս պարզապես պատկերել է իրականությունն իր բոլոր մանրամասներով, որոնք մեծ մասամբ բավականություն չեն պատճառում ընթերցողին:
Հատկանշական է, որ գրքում առկա գրեթե բոլոր կերպարները վերագրվեցին հենց հեղինակին՝ այն, որ վերջինիս խառնվածքի առանձին գծեր արտացոլվել են իր ստեղծած կերպարներում:
Քննարկումն ուղեկցվեց տարակարծություններով, բայց և այնպես փորձ կատարվեց վեպի վերաբերյալ հանգելու ընդհանուր գաղափարների:
Հանդիպման բոլոր նկարներն՝ այստեղ:
Դիտեք ավելին Գրքամոլ Ակումբ բաժնում
մեկնաբանություններ