Աֆորիզմներ հայրենիքի մասին

2013-02-02 210034

► Կարելի է և չսիրել հարազատ եղբորը, եթե նա վատ մարդ է, անկարելի է չսիրել հայրենիքը, ինչ էլ որ նա լինի:-Հովհաննես Թումանյան

► Մեր հայրենիքում մեզ սպանեցին, բայց հայրենիքը մեր մեջ չսպանվեց:-Պարույր Սևակ

► Հողը մի կենդանի էակ է, նա ունի իր հոգին, և առանց հայրենիքի, առանց հարազատ հողի հետ սերտ կապի, մարդ չի կարող գտնել իրեն, իր հոգին:-Մարտիրոս Սարյան

► Հայրենիքից զատ, Հայրենիքից դուրս ինձ համար խաբուսիկ են բոլոր դրախտները:-Գարեգին Նժդեհ

► Երբեք այնքան անհայրենիք չենք, քան երբ դադարել ենք մտածել, գործել, զոհաբերել մեր Հայրենիքի համար:-Գարեգին Նժդեհ

► Հայրենիքի համար ապրում և մեռնում է ոգու մարդը,միայն նմանը:-Գարեգին Նժդեհ

► Հայրենիք մի սպասեք օտարից և ճակատագրից,եթե դա ձեր արյունով պաշտպանելու չափ հայրենասեր չեք:-Գարեգին Նժդեհ

► Իմ հայրենիքը`տիեզերքն է ,մարդկային ողջ ցեղը`իմ եղբայրները,բարիք գործելը `իմ հավատամքը:-Փեյն

► Սերը դեպի հայրենիք քաղաքակիրթ մարդու առաջին արժանիքն է:-Նապոլեոն I

► Չկա ոչինչ հայրենիքից առավել սիրելի:-Լուկիանոս

► Սերը հայրենիքի հանդեպ կիսատ-պռատություն չի ճանաչում. ով նրա համար չի անում ամեն ինչ `չի անում ոչինչ. ով նրան ամեն ինչ չի տալիս, նա մերժում է նրան ամեն ինչ:-Բյոռնե

► Լիովին բնական է` մեռնել հանուն հայրենիքի, որում ապրել հնարավոր չէ:-Կառլ Կրաուս

► Առանց մարդկանց հանդեպ ունեցած նվիրական սիրո, չի լինում նվիրական սեր հայրենիքի հանդեպ:-Անատոլ Ֆրանս

► Կարևոր է, որ դու պատրաստ լինես մեռնել հանուն քո հայրենիքի, բայց ավելի կարևոր է, որ դու պատրաստ լինես ապրել հանուն նրա:-Թեոդոր Ռուզվելտ

► Առևտրականի համար հայրենիքը իր գրպանն է:-Շենշոլ

► Առանց հայրենիքի մարդը ժամանակի ու տարածության պատահականությունների քմահաճույքներին մատնված ավազահատիկ է:-Լակորդեր

Հ.Գ. Եթե դուք ունեք աֆորիզմներ այս ժանրից, ապա կարող եք ուղարկել մեզ հետադարձ կապով:

Դիտեք ավելին Պոեզիա բաժնում

մեկնաբանություններ