Գրքամոլ Ակումբ. Քննարկում վեցերորդ. Նիկոլայ Գոգոլ «Դիմանկար»

2014-11-15 4822

Նոյեմբերի 10-ին Ավ. Իսահակյանի գրադարանում կրկին հաճելի իրարանցում էր, քանի որ «Գրքամոլ ակումբի» հերթական հանդիպումներից մեկն էր: Այս անգամ ևս ակումբում քննարկվելիք ստեղծագործությունը հետաքրքիր զուգադիպությամբ  պատկանում էր ռուսական գրականության գլուխգործոցների շարքին: Խոսքը Նիկոլայ Գոգոլի «Դիմանկար» պատմվածքի մասին է: Քննարկումը սկսվեց տրվելով փոքրիկ ակնարկ՝ Գոգոլի ստեղծագործական կյանքի և նրա մյուս ստեղծագործությունների վերաբերյալ: Քննարկումը ընթացավ երկու ուղղությամբ. ակումբի անդամների մի մասը նշված պատմվածքը դասում էր ֆանտաստիկայի ժանրին, իսկ մյուս մասը պնդում էր, թե ստեղծագործության մեջ ֆանտաստիկա ընդանրապես չկա: Քննարկման ընթացքում զուգահեռներ անցկացվեցին Նիկոլայ Գոգոլի «Դիմանկար» - Օսկար Ուայլդ «Դորիան Գրեյի Դիմանկարը» և Նիկոլայ Գոգոլ - Թեոդոր Դրայզեր «Հանճարը» ստեղծագործությունների գլխավոր հերոսների միջև: Քննարկման մասնակիցները նշում էին, որ ստեղծագործությունը կարդալիս շատ պարզ պատկերացնում էին ամեն մանրուքը, որը Գոգոլը ցանկացել էր փոխանցել իր ընթերցողին.-«Ընթերցելիս ինձ թվում էր թե ֆիլմ եմ դիտում»,- ասաց էին ակումբի անդամները: Հանդիպումն ավարտվեց Գոգոլի կյանքի վերջին օրերին նրա պահվածքի և «Դիմանկար» ստեղծագործության գլխավոր հերոսի` Չարտկովի մահվան շեմին դրսևորած վարքագծի միջև զուգահեռների անցկացմամբ և որոշակի նմանությունների դուրսբերումով: Հաջորդ հանդիպման ընթացքում մեր ակումբի անդամները պատրաստվում են քննարկել աշխարհահռչակ գերմանացի գրող Էրիխ Մարիա Ռեմարկի «Հաղթական կամար» ստեղծագործությունը, որը համարձակորեն կարելի է դասել համաշխարհային գրականւթյան գլուխգործոցների շարքին:

Դիտեք ավելին Գրքամոլ Ակումբ բաժնում

մեկնաբանություններ