«Գրքամոլ ընթերցասերների ակումբ»

Բոլորի կողմից սիրված Գրքամոլը չի դադարում անակնկալներ մատուցել իր սիրելի ընթերցողներին. ցանկանում ենք բոլորիդ տեղեկացնել, որ մեր նախաձեռնությամբ ստեղծվել է «Գրքամոլ» ընթերցասերների ակումբը: Այն հիմնադրելով, մենք նպատակ ենք հետապնդում մեր ընթերցասերների համար ստեղծել այնպիսի մի հարթակ, որտեղ ընթերցողները կհավքավեն և ընկերական ու ջերմ մթնոլորտում կքննարկեն իրենց կարդացած գրքերը՝ այդ կերպ զզարգացնելով և՛ իրենց վերլուծական մտածողությունը, և՛ հարստացնելով իրենց կարդացած գրքերի ցանկը: Այժմ մենք իրականացնում ենք ակումբի անդամների հավաքագրում: Ակումբի շրջանակներում կազմակերպվելու են՝

► Մեր կողմից ընտրված գրքերի քննարկումներ (I մակարդակ),

► Հեղինակների կենսագրությունների ուսումնասիրում և յուրաքանչյուր հեղինակից մեկ հայտնի ստեղծագործության քննարկում (II մակարդակ),

► Ընտրված գրքերի հիման վրա նկարահանված ֆիլմերի դիտում և քննարկում (երրորդ մակարդակ), Ինչպես նաև կիրականացվեն այցեր դեպի հայ գրողների տուն-թանգարաններ: Հանդիպումներին ժամանակ առ ժամանակ կհրավիրվեն տարբեր գրականագետներ, գրողներ, հրապարակախոսներ:

Հ.Գ. Հատուկ շնորհակալություն ենք հայտնում Ավ. Իսահակյանի գրադարանի տնօրեն տիկին Հասմիկ Կարապետյանին՝ մեր նախաձեռնությանը ընդառաջելու և ընթերցասրահը մեզ տրամարդելու համար: © Գրքամոլ Նախաձեռնություն * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * Եվ այսպես, շուրջ 36 գրքամոլներ իրենց ցանկությունն են հայտնել անդամագրվելու համար «Գրքամոլ ընթերցասերների ակումբ»-ին: Ակումբի հայտագրումն ավարտված է: Շուտով մենք կապ կհաստատենք ակումբին անդամագրվել ցանկացող բոլոր ընթերցասերների հետ՝ նրանց տեղեկացնելու համար հաջորդ՝ հարցազրույցի փուլի մասին: © Գրքամոլ Նախաձեռնություն * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * Հարցազրույցի փուլն ավարտված է. անդամագրման հայտերից հարցազրույցի միջոցով հաստատվեցին քսան գրքամոլների հայտերը: Վաղը տեղի կունենա ակումբի անդրանիկ նիստը: