Գրքամոլ Ակումբի հանդիպումը «Հարավային դպրոց-պարտեզի» սաների հետ
2021-06-16 709
Հունիսի 11-ին «Մխիթար Սեբաստացի» կրթահամալիրի Հարավային դպրոց-պարտեզում տեղի ունեցավ «Գրքամոլ» Ակումբի համահիմնադիր Համլետ Մուրադյանի հանդիպումը դպրոցի աշակերտների հետ: Քննարկման համար ընտրվել էր Անտուան դը Սենտ-Էքզյուպերիի «Փոքրիկ Իշխանը» գիրքը: Նպատակն էր այդ գրքի միջոցով օգնել մանուկներին բացահայտել գրքի բոլոր շերտերը, նրանց հետ միասին ավելի խորությամբ բացահայտել Փոքրիկ Իշխանին և գրքում առկա մյուս հերոսներին: Հենց հանդիպման ժամանակ որոշ հատվածային ընթերցումների և երեխաների հետ դրանց մանրամասն վերլուծությունների ու քննարկումների միջոցով մանուկներն ավելի խորությամբ սկսեցին հասկանալ գրքի էությունը: Եվ համոզված ենք, որ այս գրքի օրինակով նման մոտեցումը երեխաների մոտ ձևավորեց վերաբերմունք՝ իրենց կյանքի հետագա ընթացքում ընթերցվելիք գրքերին նույնպես անդրադառնալ նման կերպով, այսինքն, «Գրքամոլ» Ակումբը մանուկներին սովորեցրեց ինչպես կարդալ և վերլուծել գրքերը:
Իսկ քննարկման ավարտին ամենաակտիվ մասնակիցներից փոքրիկ Անին ստացավ նվեր՝ Գրքամոլ Հրատարակչատան կողմից լույս տեսած Սեյրան Գրիգորյանի «Ինչո՞ւ ես տխուր» գիրքը:
Հ.Գ. Հանդիպման բոլոր նկարներն՝ այստեղ:
Դիտեք ավելին Գրքամոլ Ակումբ բաժնում
մեկնաբանություններ