Հայկ Խաչատրյան «Տիգրան Մեծ»

► Ես կպահեմ մեր լեռների պես հպարտ ու անկոտրում հայոց լեզուն, ես կպահեմ հայոց լեզվի պես հպարտ ու անկոտրում մեր լեռները։

► Կկորչի աշխարհի վրա հայ ազգը, եթե ի մի չձուլվի, կկորչեն հայրենախոս մեր լեզուն ու երգը, եթե հայերը շարունակեն անջատված մնալ իրարից։

► Ժամանակը քեզ չի հարմարվի, դու ժամանակին հարմարվիր։

► Իսկ ես չեմ կարող հանդուրժել, որ հայոց պարանի վրա իրենց լվացքը փռեն օտարները։

► Չհանդգնես մի աղջկա համար գերության մեջ թողնել քո հայրենիքի մի մասը։

► Կլեոպատրան գեղեցիկ է, բայց Փոքր Հայքն ավելի գեղեցիկ է։

► Կոպիտ կերպով մի կտրիր բարեկամության թելը, նորից կապելու դեպքում ագույց կմնա։

► Գործն ու իշխանությունն են վեհացնում մարդու անունը և ոչ հակառակը։

► Դու կարող ես սպանել Համասփյուռին, ինչպես և Համասփյուռը՛ քեզ, պարզ է, հարազատներ չեք և ատելով ատում եք միմյանց, բայց Արտավազդին ու Զարեհին կապում է հայրական արյունը, և մեկ-մեկու հանդեպ նրանք դավ չեն նյութի։

► Եթե կանայք տղամարդ դառնային թեկուզ մի օրով` աշխարհի գործերն այնպես կխառնեին, որ նորից շտկելու անզորությունից ինքնասպան կլինեին նույնիսկ աստվածները:

► Սովորիր դիմացինին ունկնդրել համբերությամբ և նոր միայն վճիռներ արձակել: Հաճախ մարդը ճակատագրական սխալ է կատարում այն ժամանակ, երբ չի կարողանում ստիպել իրեն մինչև վերջ լսելու խոսակցին:

► Չարիք չէ, երբ կինը գիտակցում է իր գեղեցկությունը: Սարսափելին այն է, երբ նա ապրում է միայն այդ գիտակցումով:

► Բնության մեջ ամեն գեղեցիկ բան հազվագյուտ է:

► Արքաները հաճախ մարդկանց գլխատում են ոչ այնքան մեղքի համար, որքան իրենց հզորությունը մնացածներին ցույց տալու և նրանց աչքը վախեցնելու համար:

► Ամեն մարդ փառքի ճամփա է դուրս գալիս` հենվելով մի զորավոր հեղինակության կռնակի:

► Ավելի լավ է մարդ հետիոտն անցնի իր կյանքի ճամփան, քան ձիու վրա` մեկ ուրիշի քղանցքից բռնած:

► Ահավոր զորություն ունեն բառերը: Հաճախ թարգմանչի դիտավորությամբ նենգափոխված մի բառը տերություն է կործանում:

► Լեզուն կապի պետք ունի, ախորժակը՝ չափի:

► Մի թագի համար մի գլուխ է պետք, ոչ թե երկուսը կամ երեքը:

► Ամեն արարած նման է իր արարչին:

Հ.Գ. Եթե դուք ունեք մեջբերումներ` դուրս բերված այս գրքից, ապա կարող եք ուղարկել մեզ հետադարձ կապով: