Գրքամոլ Ակումբ. I մակարդակի ավարտ

2016-01-31 3813

«Գրքամոլ» ակումբի երկրորդ խմբի համար հունվարի 30-ը սովորական քննարկման օր չէր: Այս անգամ խմբի անդամները համախմբվել էին` անցկացնելու համար երկար սպասված ստուգատեսը: «Քննական տեստ»-ը, որը նրանք լրացրեցին, ամփոփում էր բոլոր այն թեմաները, որոնք արծարծվել էին խմբի ձևավորումից մինչև այսօր Առաջին Մակարդակում 8 կարդացած գրքերի քննարկումների շրջանակներում: Դա  տրամպլին էր` առաջին մակարդակից երկրորդ տեղափոխվելու համար: Այս ճանապարհին, սակայն, ոչ այնքան կարևոր էր չսխալվելու պայմանը, որքան այն, թե ինչ էին հիշում խմբի անդամները իրենց կարդացած գրքերից, ինչն էին իրենք կարևորել,  և ինչը, գուցե, աչքաթող արել: Սա, կարելի է, ասել, քննություն էր իրենք իրենց առջև, որտեղ ամենախիստ դատավորները իրենք` տեստը լրացնողներն էին: Տեստի արդյունքները գրքամոլցիները կիմանան ավելի ուշ, իսկ հիմա նրանք պատրաստվում են  արդեն 2-րդ մակարդակում ներկայացվելիք առաջին` «Սպանություն գոլֆի դաշտում» գրքի քննարկմանը (հեղ.` Ագաթա Քրիստի):

 

Հ.Գ. Հանդիպման բոլոր նկարներն՝ այստեղ:

Դիտեք ավելին Գրքամոլ Ակումբ բաժնում

մեկնաբանություններ