Անի Խամոյան «Ինքնափրկում»
2014-04-14 4898
Ես երեկ փրկել եմ աչքերս
Ու թաքուն փախել եմ ձեզանից,
Որ հանկարծ չցավեն բիբերս
Ձեր սուր ու ծակող կայծերից....
Փախնելով ձեր երկդեմ հայացքից
Ես երեկ փրկել եմ իմ հայացքը
Ու ձեզ մոտ թողնելով իմ դեմքից
Ես անդեմ հեռացել եմ ձեզանից....
Ես երեկ փրկել եմ ինքս ինձ
Ձեր վայրի, բթացնող աղմուկից,
Ես երեկ փրկել եմ մարմինս
Երբ հեռու եմ տարել այն ձեզնից....
Ու ներսում ինչ-որ բան խեղդելով
Ու ներսս հազիվ քարշ տալով
Ցավերս անաղմուկ ծալել եմ
Ու թաքուն փրկել եմ ինձ ձեզնից....
Բայց հիմա, երբ աչքերս փակում եմ
Չեմ զգում կոպերիս հանգիստը.
Կարծես ինչ-որ բան կիսատ է.
Ինչ-որ բան չփրկվեց ձեզանից։
Հեղինակ՝ © Անի Խամոյան
Դիտեք ավելին Ստեղծագործություններ բաժնում
մեկնաբանություններ