Ջեմմա Գաբրիելյան «Քո հայացքը»

Քո հայա՜ցքը...
Դե՛ խոստացիր, որ այսուհետ
Այդ հայացքով դու միայն ի՛նձ պիտի նայես:
Այդ աչքե՜րը...
Որոնց այնքա՜ն սիրով նայում եմ ես,
Ու քեզանով արբենում եմ:
Այդ ձեռքե՜րը...
Աստվածային այդ ձեռքերին
Դեռ որքան ես պիտի հպվեմ,
Որ փոքր-ինչ գեթ հագենամ:
Քո նու՜րբ, անու՜շ գրկում հալվեմ,
Ու քո դյութիչ խաբկանքներից
Ես տվայտվե՜մ, վառվե՜մ, այրվե՜մ...
Քո համբույրից կարոտ մնամ,
Ու կարոտից այդ համբույրի
Միշտ լինեմ, քո կողքին մնամ:

Հեղինակ՝ © Ջեմմա Գաբրիելյան