Մարկ Ֆիշեր «Միլիոնատիրոջ գաղտնիքը»

► Ծերությունը սկսվում է այն պահից, երբ մարդ կորցնում է ապագայի նկատմամբ հավատն ու հայեցողությունը:

► Սովորաբար մարդիկ վախենում են խնդրել, իսկ երբ վերջապես տրամադրվում են, նրանց համառությունն է պակասում: Դա մեծ սխալ է:

► Ով չի հավատում իր հաջողությանը, նա հազվադեպ է հաջողության հասնում:

► Գործե՛ք այսպես. սկզբում հավատ, ապա կրքոտ ցանկություն հասնելու նպատակին: Այնուամենայնիվ ասեմ, որ ոչ բոլորը, ավելի ճիշտ մեծամասնությունը պատրաստ չեն ընդունելու իմ գաղտնիքը, նույնսիկ երբ ես բացատրում եմ այն պարզ բառերով: Եվ գիտե՞ք ինչն է նրանց խանգարում: Երևակայելու պակասը:

► Այն ժամանակվանից, ինչ գոյություն ունի մարդկային ցեղը, հարուստները ավելացնում են իրենց կարողությունն այլ մարդկանց փողերի միջոցով: Ոչ մի լուրջ գործարար փողի կարիք չի ունեցել, որ հարստանա:

► Եթե մարդը ժամանակը վատնում է` սպասելով համապատասխան պահին, ապա նա երբեք էլ ոչ մի քայլ չի անի: Գործելու լավագույն պահը ՀԻՄԱՆ է:

► Կյանքում հաջողելու համար, մարդը պետք է զգա, որ նա ոչ մի ելք չունի, որ նա գամված է պատին: Եթե դու կասկածում ես և չես ցանկանում ռիսկի դիմել, ապա կարող ես պատրվակներ բերել, որ սա չկա, որ նա չկա, ու դու ոչինչ էլ չես ստանա: Իսկ եթե դու պատին ես գամված, բոլոր ուղիները փակ են, քեզ ոչինչ չի մնա, բացի ողջ ներուժդ կենտրոնացնելը: Այդպիսի պահերին մարդ փոփոխություն է ուզում իր մարմնի յուրաքանչյուր վանդակով:

► Միանգամայն ազնիվ մարդիկ չեն հարստանում:

► -Գրե՛ք գումարի այն չափը, որը ցանկանում եք ունենալ և ժամանակը, թե երբ եք ցանկանում այն ունենալ: Սա է հարստության գաղտնիքը: Ինձ հանդիպած բոլոր միլիոնատերերը խոստովանել են, որ հարստացել են հենց այն պահին, երբ իրենց առջև նատակ են դրել վաստակել հստակ չափերի գումար կոնկրետ ժամանակահատվածում:

► Ամեն օր, միշտ և ամեն ինչում իմ գործերն ավելի ու ավելի լավ են ընթանում...

► Եթե Դուք չգիտեք՝ ուր եք գնում, ապա Դուք «ոչ մի տեղ» էլ չեք հասնի:

► Մարդկանց մեծամասնությունը, ամեն դեպքում գրեթե բոլոր անհաջողակները, նույնսիկ չեն էլ պատկերացնում, որ կյանքը տալիս է այն, ինչ մենք խնդրում ենք: Խնդրում ես չգիտես թե ինչ՝ և ստանում ես անհասկանալի է թե ինչ: Խնդրում ես նվազագույնը, ստանում ես նվազագույնը: Եթե կյանքը քեզ տալիս է միայն փշրանքներ, մի՛ զարմացիր, քանզի դա հենց այն է, ինչ դու խնդրել ես: Անհրաժեշտ է պահանջները ճիշտ ձևակերպել կարողանալ: Առաջին հերթին նրանք պետք է լինեն բացարձակապես հստակ և կոնկրետ. կյանքը ցանկանում է իմանալ, թե ինչ եք Դուք սպասում նրանից, և եթե ոչինչ չուզեք, ապա ոչինչ էլ չեք ստանա:

► Ձեր կյանքի բոլոր իրադարձությունները՝ լինի հուզական, սոցիալական և մասնագիտական բնագավառներում, Ձեր մտքերն են արտացոլում: Իրականում կյանքում ամեն ինչ կախված է կատարվածի նկատմամբ մեր վերաբերմունքից, մեր դիրքորոշումներից: Կյանքը հենց այնպիսին է, ինչպիսին մենք այն նկարում ենք: Այն ամենն, ինչ ձեզ հետ կատարվում է, ձեր մտքերի արդյունքն է: Ուրեմն, եթե Դուք ցանկանում եք փոխել ձեր կյանքը, ԼԱՎ ԿԼԻՆԻ ՍԿՍԵԼ ՁԵՐ ՄՏԱԾԵԼԱԿԵՐՊԻՑ:

► Հաջողությունն անհնար է առանց խելացի մտածելու, սակայն միայն դա բավարար չէ: Ձեր խելացի մտքերը միայն գործիք են Ձեզ համար, Ձեր հավատարիմ ծառաներն, ոչ ավելին: Եվ որքա՜ն հաճախ են նրանք դառնում խոչընդոտներ մեծ հաջողությունների ճանապարհին: Խոշոր հաջողությունների հասնում են միայն նրանք, ովքեր հավատում են մտքի ուժին: Այդպիսի մարդիկ երբեք թույլ չեն տալիս, որպեսզի հանգամանքները կանգնեն իրենց ճանապարհին, որպես մագնիս ձգում են հարստությունը: Հիմնականում այն մարդկանց կյանքի պայմանները, ովքեր մեծ հաջողությունների են հասել, նույնպիսին է լինում, ինչպիսին իրեն ժամանակակիցներինը: Ավելին, այդ մարդիկ ստիպված են եղել բախվել խոշոր դժվարությունների, սակայն խնդիրները միայն շարժառիթ են հանդիսացել նրանց համար: Բոլոր այդ մարդիկ հավատացած են եղել, որ նրանք կհասնեն հարստության: Հավատն է հանդիսանում նրանց հաջողության գրավականը:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով: