Նարեկ Սերոբյան «Գոբլինը և իր ընկերները»

2021-06-01 645

*Գրքերն աշխարհի արտացոլանքն են, որոնք պարունակում են նրա անսահման խորությունը, բազմազանությունն ու անկախատեսելիությունը։ Եվ Նարեկն ապրում էր այդ աշխարհում՝ գրքերի աշխարհում, որոնք լուսավորում էին նրա հոգին, սրում միտքը։ Ու այդ մտքերով ու երևակայությամբ Նարեկն ինքը ստեղծեց իր իսկ աշխարհը և այն հանձնեց թղթին։ Հերոսի պատկերացումներն աշխարհի ու կյանքի հանդեպ արտացոլված է գրքում, որտեղ նա խոսում է կյանքի կարևոր երևույթների և արժեքների մասին, ինչպիսիք են՝ բարությունը, ընկերասիրությունը, իրար օգնելու ցանկությունը, կյանքեր փրկելը, հերոս դառնալը։ 17 տարեկանում կարծես գիտեր, որ մի օր ինքն էլ է դառնալու հերոս՝ իր հայրենիքի հերոսը։
Կարդացեք և բացահայտեք հերոսին իր իսկ գրած գրքում։

Մեջբերումներ

► Ես պետք է հասնեմ Տիբեթ լեռ, այնտեղ մի հրեշ է ապրում, ով շատ կարևոր մի իր է պահում։ Այդ իրը ոչ թե ինչ-որ ոսկի է կամ ադամանդ, այլ այն մեծ բժշկական կարևորություն ունեցող իր է, որը կարող է հազարավոր մարդկանց կյանքեր փրկել: Սակայն ճանապարհը հեռու է։

► Ես պատրաստ եմ քեզ օգնել. ես ամեն ինչ կանեմ իմ հին բարեկամի համար, նույնիսկ եթե կյանքս դնեմ վտանգի տակ:
- Մի շտապիր այդքան, փոքրի՛կ բարեկամս,- ասաց Ֆիլչերը,- դա այդքան էլ հեշտ գործ չէ, ես չէի ցանկանա, որ դու իմ պատճառով զոհվես, ես ինձ երբեք չեմ ների այդ արարքի համար:
- Չէ, չէ, իմ որոշումը վերջնական է, ես պատրաստ եմ քեզ ու քո ժողովրդին օգնել, էլ ո՞ր օրվա ընկերներ ենք, - ասաց բարեսիրտ գոբլինը:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով:

Դիտեք ավելին Մեջբերումներ Գրքերից բաժնում

մեկնաբանություններ