Օնորե դը Բալզակ «Հովտաշուշանը»

► Ոչ մի ուժ չի կարող փշրել այն ծանր շղթան, որին կցված է կինը ոսկե մատանիով, ամուսինների անարատության այդ խորհրդանիշով:

► Իրական կյանքը տագնապալի կյանքն է:

► Սպասեցեք կյանքի փորձություններին, հետո միայն դատողություններ արեք կյանքի մասին:

► Վիշտը անհուն է, ուրախությունը` սահմանափակ:

► Սերը ունի այնպիսի բերկրանքներ, որոնց շողքերը մինչև երկինք են հասնում:

► Ամենից դժվարը ամենագաղտնի տառապանքները ցրելն է:

► Առաքինությունը ունի սրբազան ջրեր, որտեղ մխրճվողը դուրս կգա վերանորոգված` Աստծո սիրով:

► Եթե մի քանի մարդկանց հետ ավելի մտերմորեն կապվեք, քան ուրիշների, ձեր նկատմամբ գաղտնապահ եղեք, ասես մի օր նրանք դառնալու են ձեր մրցակիցները, հակառակորդները, կամ էլ թշնամիները: Այսպիսին են կյանքի դիպվածները: Ուստի ձեր վերաբերմունքը թող ո՛չ սառը լինի, ո՛չ էլ ջերմ, կարողացեք գտնել այն միջին գիծը, որի վրա մարդ կարող է մնալ առանց որևէ բան վտանգելու:

► Երբ ձեզանից խնդրվում է մի բան, որ դուք կատարել չեք կարող, բացեիբաց մերժեցեք, առանց զուր հույսերի նշույլն իսկ թողնելու: Հետո, տեղնուտեղը խոստացեք այն, ինչ կարող եք կատարել:

► Մարդիկ կհարգեն ձեզ այնքան, որքան պիտանի եք իրենց, առանց նկատի առնելու ձեր արժեքը:

► Երբեք փութկոտ մի լինեք: Փութկոտությունը հեռու չէ խաբկանքից, և հիասթափության պատճառ կդառնա:

► Պարտականությունները զգացմունքներ չեն: Պարտք կատարելը հաճույք պատճառել չի նշանակում:

► Ձեր մասին բացարձակ լռություն պահեք:

► Ամենքն էլ հարգում են իրենց արհամարողին:

► Ազնվությունը պարտավորեցնում է:

► Բարոյականությունն էլ ունի իր առվակները, որտեղից անպատիվ մարդիկ կփորձեն ձեզ վրա շպրտել այն ցեխը, որի մեջ խեղդվում են իրենք: Բայց դուք միշտ էլ կարողեք հարգել տալ ձեզ, ամեն մի բնագավառում և նույնիսկ ամենաչնչին խնդիրներում` հանդես գալով ձեր անդրդվելիությամբ:

► Բարոյականությունն էլ ունի իր առվակները, որտեղից անպատիվ մարդիկ կփորձեն ձեզ վրա շպրտել այն ցեխը, որի մեջ խեղդվում են իրենք: Բայց դուք միշտ էլ կարողեք հարգել տալ ձեզ, ամեն մի բնագավառում և նույնիսկ ամենաչնչին խնդիրներում` հանդես գալով ձեր անդրդվելիությամբ:

► Մի մատուցեք այնպիսի ծառայություններ, որ ապերախտության մղեք մարդկանց, քանի որ նրանք ձեր անհաշտ թշնամիները կդառնան. ինչպես կործանումը, այնպես էլ պարտավորությունը մարդկանց մատնում է մի հուսահատության, որն անասելի ուժեր է տալիս:

► Ինչքան հնարավոր է քիչ բան ստացեք ուրիշներից: Ոչ ոքի ճորտը մի դառնաք. միայն ու միայն ձեզնից կախում ունեցեք:

► Իսկական սերը հավեժական է, անհուն, միշտ նույնանման, կայուն և անարատ, առանց բուռն ցույցերի: Թեկուզ ալեհեր, սրտով երիտասարդ է միշտ:

► Ծերունի քննադատը բարի է ու մեղմ, երիտասարդ քննադատն անողոք է. սա ոչինչ չգիտե, ծերունին գիտի ամեն ինչ:

► Սերը միայն վստահությամբ է ապրում:

► Սիրվելը, հասկացվելը մեծագույն երջանկություն է:

► Սրտին հատուկ է անհունությունը:

► Մարդկային բոլոր արաքների խորքում կա բախտորոշ պատճառների այնպիսի մի լաբիրինթոս, որոնց վերջնական դատաստանը Աստծուն է վերապահված:

Հ.Գ. Եթե դուք ունեք մեջբերումներ՝ դուրս բերված այս գրքից, ապա կարող եք ուղարկել մեզ հետադարձ կապով: