Գրքամոլ Ակումբ. Քննարկում երկրորդ. Ալեքսանդր Շիրվանզադե «Ալինա». Անտուան դը Սենտ-Էքզյուպերի «Փոքրիկ իշխանը»

2014-09-23 4530

Սեպտեմբերի 22-ին «Գրքամոլ Ակումբ»-ի շրջանակներում Ավ. Իսահակյանի գրադարանում տեղի ունեցավ «Գրքամոլ Ակումբ»-ի երկրորդ հանդիպումը, որն այս անգամ իր քննարկվելիք գրքերի ցանկում ներառում էր Ալեքսանդր Շիրվանզադեի «Ալինա»- և Անտուան դը Սենտ-Էքզյուպերի «Փոքրիկ իշխանը» գրքերը: Սկզբում «Գրքամոլ Ակումբի» անդամների կողմից քննարկվեց Ալինա գիրքը, որտեղ մեր ակումբի անդամները իրենց վառ և բավականին հետաքրքրական տեսակետներն արտահայտեցին Ալինայի և նրա խենթության, ամուսնու դաժանության և առհասարակ սիրո բանաձևի վերաբերյալ՝ այդ ամենը գեղեցիկ կերպով ներկայացված հայ մեծանուն գրող Ալեքսանդր Շիրվանզադեի կողից: Այնուհետև այս քննարկմանը հաջորդեց «Փոքրիկ իշխանի»՝ արդեն հանրային քննարկումը, այսինքն, բացի «Գրքամոլ Ակումբի» անդամներից քննարկմանը ներկա էին նաև տասնյակ այլ երիտասարդներ, ովքեր հիացած էին Փոքրիկ Իշխանի կերպարով, գրքի հզորությամբ և իրենց տեսակետներն ու կարծիքներն էին հասանելի դարձնում այլ ընթերցողների: Ընթերցասերներ, որոնցից յուրաքանչյուրի կարծիքը գրքի վերաբերյալ առանձնանում էր յուրհատուկ և գեղեցիկ ոճով, քննարկման բանաձև, որտեղ բոլոր ընթերցողները հնարավորություն ունեցան խմբերի միջոցով ներկայանցել իրենց տեսակետը գրքի մասին և ազատորեն կիսվեցին ու փոխանակեցին դրանք: Դատելով հանդիպմանը ներկա բոլոր ընթերցողների ջերմ ժպիտներից և քննարկման ժամանակ առաջացած հաճելի մթնոլորտից, մենք հիմա վստահորեն փաստում ենք, որ «Գրքամոլ Ակումբ»-ը, իրենից ներկայացնելով յուրօրինակ մի հարթակ, իրականացնում է չափազանց հետաքրքիր և մեծամասշտաբ առաքելություն՝ այն է, հայ երիտասարդների մեջ բարձրացնել սերը դեպի ընթերցանությունը և նպաստել գրքի ու գրականության զարգացմանը մեր երկրում: Մենք գտնվում ենք մեր առաքելության կենսագործման ճանապարհին, ինչի մասին վկայում են մեր սիրելի Գրքամոլների անկեղծ ժպիտները և հայ հասարակության տարբեր շերտերի կողմից պարբերաբար մեզ հասցվող դրական արձագանքները: Հ.Գ. Ակումբի հաջորդ հանդիպումը նախատեսված է հոկտեմբեր ամսին, որտեղ քննարկվելու է աշխարհահռչակ գրող Գաբրիել Գարսիա Մարկեսի «100 տարվա մենություն» ստեղծագործությունը: © Գրքամոլ Նախաձեռնություն Նկարների նկարագրությունները՝ Գրքամոլի ֆեյսբուքյան էջում                                 

Դիտեք ավելին Գրքամոլ Ակումբ բաժնում

մեկնաբանություններ