Գրքամոլ Ակումբը մասնակցեց Էլդա Գրինի «Ծառերին դեռ կախված էր առավոտը» գրքի շնորհանդեսին
2015-10-12 4315
Հոկտեմբերի 9-ին տեղի ունեցավ արձակագիր, հոգեբան, դատաբժշկական փորձագետ, հոգեբանական գիտությունների դոկտոր, պրոֆեսոր Էլդա Գրինի «Ծառերին դեռ կախված էր առավոտը» գրքի շնորհանդեսը: Հանդիպման նպատակներից առաջինը գրքի շնորհանդեսն էր, որի ժամանակ գրողը պատմեց իր նոր գրքի ստեղծման պատմության, վերնագրերի յուրահատուկ ընտրության և իր պատմվածքների արդիականության մասին, երկրորդը՝ ընթերցող և գրող հանդիպումն էր ու պատմվածքների քննարկումը: Քննարկմանը մեծ ակտիվությամբ մասնակցում էին նաև Գրքամոլ Ակումբի անդամները, ովքեր ևս մեկ անգամ կոտրեցին այն կարծրատիպը, թե հայ երիտասարդները ժամանակակից ստեղծագործողների չեն ընթերցում, գրողը ևս հետաքրքրվեց Ակումբի գործունեությամբ:
Հազվադեպ է լինում, որ ընթերցողը կարող է անձամբ հանդիպել գրողին և ազատ ու հաճելի միջավայրում քննարկել գիրքը՝ հարցեր ուղղելով և իր կարծիքը հայտնելով. այս հանդիպումը այդ բացառիկ դեպքերից էր՝ Ավ. Իսահակյանի անվան գրադարանի ջերմ հյուրընկալության ներքո:
Հ.Գ. Հանդիպման բոլոր նկարներն՝ այստեղ:
մեկնաբանություններ