Գրքամոլ Ակումբ. Աշոտ Նանայան «Խոսք Ասելիքի» գրքի շնորհանդես
2014-11-23 4214
Նոյեմբերի 22-ին Ավետիք Իսահակյանի գրադարանում աննկարագրելի դրական մթնոլորտ էր տիրում: Ներկաները հավաքվել էին Գրքամոլ Ակումբի անդամներից մեկի՝ Աշոտ Նանայանի «Խոսք Ասելիքի» գրքի շնորհանդեսին: Չնայած երիտասարդ տարիքին, հեղինակը իր գրքում կարողացել էր ամփոփել երիտասարդությանը հուզող գրեթե բոլոր թեմաներն ու զգացումները՝ հայրենասիրություն, հայրենիքի նկատմամբ պարտքի զգացում, սեր դեպի մայրը, մանկություն, հնի ու նորի պայքար, միայնություն, անորոշություն, տխրություն, սիրահարվածություն, հիասթափություններ, պայքար, հինը փոխելու ձգտում: Երեկոյի ընթացքում ներկաները շնորհավորեցին, արտահայտեցին իրենց կարծիքը գրքի վերաբերյալ, ընթերցվեցին հեղինակի բանաստեղծություններից: Իսկ վերջում հեղինակն անձամբ ընթերցեց գրքում չներառված, բայց հաջորդ գրքի համար հիմնաքար հանդիսացող ևս մեկ բանաստեղծություն, որն ուներ իր ուրույն բովանդակությունն ու ասելիքը: Նախ հեղինակի խոսքը, ապա ընթերցված բանաստեղծությունների մեղեդայնությունը հուզեցին շնորհանդեսին ներկա գտնվողներին: Բոլորը լիահույս էին, որ հանձինս Աշոտի և շատ շատ երիտասարդ ստեղծագործողների՝ մենք կունենաք հզոր և սերնդեսերունդ փոխանցվող ժամանակակից հայ գրականություն:
Դիտեք ավելին Գրքամոլ Ակումբ բաժնում
մեկնաբանություններ